Qarýly Kúsh quramalary eldiń batysy men ońtústigine attandy
2021 jylǵy qyrkúıektiń basynan bastap ótip jatqan kenetten tekserý sheńberinde áskerler Qazaqstannyń batys jáne ońtústik óńirlerine jiberildi .
Manevrǵa vedomstvoaralyq, túraralyq ásker toptarynan jalpy sany toǵyz myńǵa deıin adam, úsh myńǵa jýyq qarý-jaraq pen áskerı tehnıka, onyń ishinde 66 ushý apparaty men segiz korabl tartyldy.
Qarýly Kúshterdi alys qashyqtyqqa jyljýǵa ázirlikte ustaý qajettiligi Qazaqstan aýmaǵynyń aýqymdylyǵyna baılanysty.
Áskerlerdi jaýyngerlik tehnıkamen, temirjol jáne áýe kóligimen, onyń ishinde azamattyq avıatsııa múmkindigin paıdalana otyryp, ártúrli tásildermen jetkizý júzege asyryldy.
Atap aıtqanda, aldyńǵy sheptegi bólimsheler áskerı-kólik jáne azamattyq avıatsııa ushaqtarymen jetkizildi. Qurlyq áskerleriniń bólimderi men bólimsheleri jaýyngerlik tehnıkasymen birge ózderine tanys emes polıgondarǵa temirjol kóligimen jetkizildi. Jaýyngerlik oqý-jattyǵý mindetterin oryndaý sheńberinde bólimsheler belgilengen aýdandarda ornalasyp, olardy ınjenerlik turǵydan jabdyqtady.
Armııalyq jáne maıdandyq avıatsııa toptary jedel áýeaılaqtarǵa jáne Aqtaý – Jańaózen avtomobıl jolynyń áýeaılaqtyq ýchaskesine qaıta ornalastyryldy.
Áskerı-teńiz kúshteriniń korablderi Kaspıı teńiziniń akvatorııasynda korablderdiń ornalasý pýnkterin kúzetýdi jáne qorǵaýdy júzege asyrady.
Odan ári quramalar men bólimder kúshter men quraldardy is júzinde qoldanýǵa baılanysty oqý-jattyǵý jaýyngerlik mindetterdi oryndaýdy jalǵastyrady.
Áskerler áreket etýiniń tolyqtyǵyn jáne sapasyn Qarýly Kúshterdiń Bas shtaby baǵalaıtyn bolady.
