Qarýly kúshterde parashıýttik daıarlyq qaǵıdalary bekitiledi
Qorǵanys mınıstrligi «Qazaqstan Respýblıkasynyń Qarýly Kúshterinde parashıýttik (parashıýttik-desanttyq, áýe-desanttyq) daıarlyq jónindegi qaǵıdalardy bekitý týraly» Qazaqstan Respýblıkasy Qorǵanys mınıstriniń 2022 jylǵy 31 tamyzdaǵy № 731 buıryǵyna ózgerister men tolyqtyrýlar engizý týraly» qorǵanys vedomstvosy basshysy buıryǵynyń jobasyn daıyndady. Kazinform bul týraly QR Qorǵanys mınıstrligine silteme jasap habarlaıdy.
Bul qujattyń jobasy QR Úkimetiniń 2022 jylǵy 2 maýsymdaǵy qaýlysymen bekitilgen Qorǵanys mınıstrligi týraly erejeniń 15-tarmaǵynyń 159) tarmaqshasyna sáıkes ázirlendi.
Atalǵan ózgerister men tolyqtyrýlar parashıýttik (parashıýttik-desanttyq, áýe-desanttyq) daıarlyqtyń tártibin aıqyndaý, sondaı-aq 32039 áskerı bólim bólimsheleri jeke quramynyń oqý, oqý-jaýyngerlik jáne arnaýly mindetterdi oryndaýy úshin jeke quramnyń, qarý-jaraqtyń, áskerı tehnıka men júkterdiń turaqty ázirligin qamtamasyz etý maqsatynda engiziledi.
Buıryq jobasynyń tolyq mátinimen «Elektrondyq úkimet» portalynyń «Ashyq NQA» bóliminde bıylǵy jyldyń 24 qańtaryna deıin myna silteme arqyly tanysýǵa bolady.
