Qarttar kúni elordada qalaı atap ótiledi
Astana ákimdiginiń resmı saıtynda málim etilgendeı, 20-29 qyrkúıek aralyǵynda áleýmettik jelilerde balalar ata-ájelerin quttyqtaǵan rolıkter chellendji uıymdastyrylyp jatyr. Osy aptada aýdan ákimdikteri jalǵyz turatyn zeınetkerler men múmkindigi shekteýli jandarǵa azyq-túlik sebetin jetkizedi. 29 qyrkúıekte «Óndiris» dene shynyqtyrý-saýyqtyrý kesheninde Qarttar kúnine oraı belsendi zeınetkerler arasynda toǵyzqumalaq, shahmat, doıby, ústel tennısinen jarystar ótedi.
Qalanyń ortalyqtandyrylǵan kitaphana júıesi 29 qyrkúıekte saǵat 12:00-de №5 balalar kitaphanasynda «Qarttyqty qurmetteý kerek» atty balalar shoýyn uıymdastyrady. Al 30 qyrkúıekte saǵat 15:00-de №2 balalar kitaphanasynda «Kúzdiń jasy ádemi» atty kezdesý keshi ótedi.
30 qyrkúıekte «Eriktiler mektebi» jobasy aıasynda «Qamqorlyq mekenjaılary» aktsııasyn «Astana jastary» KMM ótkizedi. Bul kúni volonterler jalǵyz turatyn qart astanalyqtarǵa baryp, olarǵa azyq-túlik sebetterin tabystaıdy.
Merekege oraı barlyq mektepter men balabaqshalarda aǵa býynǵa qamqorlyqpen qaraýǵa qatysty synyp saǵattary men ashyq sabaqtar ótkiziledi.
Qyrkúıektiń sońǵy kúni qarttar «Djıns jumaǵy» atty tigin kýrsynan konkýrsqa qatysa alady.
Sol kúni «Qamqor» áleýmettik qyzmet kórsetý ortalyǵynyń akt zalynda «Zolotye rossypı» kontserti usynylady.
1 qazan kúni saǵat 12:00-de «Naz» memlekettik bı teatry «Qarııalar-halyq qazynasy» qaıyrymdylyq kontsertine shaqyrady.
3 qazan kúni saǵat 18:00-de E.Rahmadıev atyndaǵy Memlekettik akademııalyq fılarmonııasynda ardagerler uıymynyń qurylǵanyna 35 jyl tolýyna oraı «Ardagerler uıymynyń shejiresi/Letopıs veteranskogo dvıjenııa»atty kontsert ótedi.
Qarttar kúnine oraılastyrylǵan qazan aıynyń merekelik baǵdarlamasynda shahmattan dástúrli sporttyq festıval, toǵyzqumalaqtan qalalyq ashyq týrnır jáne basqa da kóptegen is-shara bar.
Foto: www.tagesspiegel.de