Kartop eksporty shekteldi: Sharýalar ónimin qaıda sata alady

ASTANA. KAZINFORM – Elimizde kartopty ózge elderge eksporttaýǵa 6 aıǵa shekteý qoıyldy. QR Aýyl sharýashylyǵy Eginshilik departamentiniń dırektory Nazgúl Hatepova eksporttaýshy sharýalardyń ónimin ishki naryqqa satý keregin aıtýda. 

− Qazaqstan boıynsha 2,9 mln tonna kartop óndirilgen, tipti bıyl 31% artyǵymen ónimdilik baıqalǵan. Bul tyńaıtqyshtar, ósimdik qorǵaý quraldary, tuqymdarǵa berilgen sýbsıdııanyń da arqasy. Іshki naryqta shamamen 2 mln tonna tutynylsa, eksporttyq áleýetimiz de bar, - dedi N. Hatepova Úkimet kýlýarynda.

Onyń aıtýynsha, qazir iri óndirýshi kásiporyndarda 600 myń tonnadan artyq kartop, turaqtandyrý qorlarynda – 60 myń tonnadan astam kartop bar.

Al aı saıynǵy qajettilik – 168 myń tonna, bul kólem mamyr aıyna deıin jetkilikti.

− Árıne, aýyl sharýashylyǵy taýaryn óndirýshilerdiń óz taýaryn jaqsy baǵamen eksportqa satqany jaqsy. Sebebi olardyń ózindik shyǵyny da jyldan-jylǵa ósip keledi. Alaıda bizdiń Úkimettiń aldyndaǵy basty másele – eń aldymen ishki naryqty qamtamasyz etý. Bul fors-major jaǵdaıy bolyp sanalady. Zańdy túrde ishki naryqta azyq-túlik qaýpisizdigi máselesi týyndasa, baǵa kúrt qymbattasa – biz kedendik sharalaryn júrgizýge quqylymyz. Sharýalar ishki naryqqa da jaqsy baǵamen satyp, ónimin ótkize alady. Suranys óte joǵary. Eger qıyndyqtar bolyp jatsa, biz Saýda mınıstrligimen birlesip, kelisimshart jasaýyna kómektesemiz, - deıdi AShM ókili.

Buǵan deıin Nazgúl Hatepova eldegi kartop baǵasy aldaǵy 2-3 kúnde turaqtanatynyn aıtqan edi. 

Eske sala ketsek, Aqtóbede kartop baǵasy birden 100 teńgege qymbattap ketti.

Іshki naryqtaǵy kartop baǵasyn turaqtandyrý maqsatynda 18 qańtarda ótken Saýda qyzmeti máseleleri jónindegi vedomstvoaralyq komıssııa otyrysynda kartopty úshinshi elderge áketýdi 6 aı merzimge shekteý týraly sheshim qabyldandy.

Al, aýyl sharýashylyǵy mınıstrligi kartop qory ishki qajettilikti tolyq qamtamasyz etýge jetkilikti ekenin málimdegen bolatyn.