Qart anasyn kirpishpen uryp óltirgen kókshetaýlyq ustaldy

KÓKShETAÝ. QazAqparat – Araq iship alǵan Kókshetaý qalasynyń turǵyny 92 jastaǵy anasyn basynan kirpishpen uryp óltirdi, dep habarlaıdy QazAqparat tilshisi.

Aqmola oblystyq polıtsııa departamenti baspasóz qyzmetiniń málimetinshe, qazannyń 2-sinde Kókshetaý qalalyq polıtsııa bólimine er adam habarlasyp, 92 jastaǵy qart anasynyń qaıtys bolǵanyn aıtqan. Er adamnyń sózinshe, anasy qulap mert bolǵan. Alaıda, tergeý barysynda qarııanyń qulaǵannan emes, 62 jastaǵy ulynyń qolynan mert bolǵany anyqtaldy.

«Oqıǵa ornyna dereý jedel tergeý toby bardy. Tergeý barysynda anyqtalǵandaı, araq iship alǵan er adam anasymen sózge kelip qalyp, ony basynan birneshe ret kirpishpen urǵan. Keıin ózi polıtsııaǵa qońyraý shalyp, qaıǵyly jaǵdaı týraly habarlaıdy jáne dárigerlerdi shaqyryp, jazataıym oqıǵa retinde kórsetkisi keledi. Artynan qylmysyn tolyq moıyndady», - dedi vedomstvodan.

Qazirgi kezde kúdikti ýaqytsha ustaý oqshaýlaǵyshyna qamalyp, ústinen Qylmystyq kodekstiń 99-babynyń 1-bóligi (kisi óltirý) boıynsha is qozǵalyp, sotqa deıingi tergeý amaldary júrgizilip jatyr.

Aıta ketsek, Kókshetaýda 10 kún buryn joǵalǵan zeınetker áli tabylmady.