Qarqaralyda iri qara maldan qarasan aýrýy anyqtaldy

QARAǴANDY. QazAqparat – Qaraǵandy oblysy Qarqaraly aýdanyna qarasty Martbek Mamyraev aýyldyq okrýgindegi «Svırıdov» qojalyǵynda iri qaradan qarasan anyqtaldy, dep habarlaıdy QazAqparat tilshisi.

Qarasan aýrýy qazan aıynyń ortasynda shyqqan. Sharýa qojalyǵynyń ıesi alǵashynda ýlanǵan dep topshylaǵan. Arnaıy zerthanalyq tekserý nátıjesinde Qarasan aýrýy ekeni anyqtaldy. Juqpaly kesel saldarynan 4 jasqa deıingi 11 bas iri qara aram ólgen.

Mamandardyń aıtýynsha, «Qospaq» qystaǵyndaǵy «Svırıdov» sharýa qojalyǵy aýmaǵynda qazir karantın jarııalanǵan. Qarasandy juqtyrǵan tórt túliktiń syrtqy beınesinde ózgerister paıda bolady. Aıaqtary aqsap, dene qyzýy kóterilip, selqostyq baıqalady eken.

«Jalpy bul tabıǵı-oshaqtyq aýrý bolyp keledi. ıAǵnı, maldyń jaıylym jerlerine baılanysty bolady. Muny tek vaktsınamen ǵana toqtata alamyz. Vaktsınanyń kúshi 6 aıǵa jetedi. Qazir Qospaq qystaǵynda karantın jarııalandy», - dep málimdedi QR AShM veterınarııalyq baqylaý jáne qadaǵalaý komıtetiniń Qaraǵandy oblysy aýmaqtyq ınspektsııasynyń basshysy Erjan Beketaev.