Kárim Másimov Konstıtýtsııa kúnimen quttyqtady

ASTANA. QazAqparat - QR Premer-Mınıstri Kárim Másimov qazaqstandyqtardy Konstıtýtsııa kúnimen quttyqtady.

«Barsha otandastardy Konstıtýtsııa kúnimen quttyqtaımyn! Beıbit ómir, amandyq jáne elimizdiń ıgiligi jolynda jańa tabystar tileımin!» - dep jazdy K. Másimov óziniń tvıtterdegi paraqshasyna.

Memlekettiń negizgi zańy 1995 jylǵy 30 tamyzda búkil halyqtyq referendýmda qabyldanyp, onda Qazaqstan Respýblıkasy ózin demokratııalyq, zaıyrly, quqyqtyq jáne áleýmettik memleket retinde ornyqtyryp, onyń eń qymbat qazynasy retinde - adam jáne adamnyń ómiri, quqyqtary men bostandyqtary belgilendi. 

Konstıtýtsııa kúni - memlekettik meıram. Bul kún qazaqstandyqtar úshin demalys kúni bolyp sanalady. Elimizde dástúrli túrde merekelik is-sharalar jáne kontsertter ótedi.