Karıb jaǵalaýynda «Melıssa» daýyly 49 adamnyń ómirin qıdy
ASTANA.KAZINFORM - «Melıssa» daýyly Bermýd araldarynyń soltústik-batysyna qaraı jyljyp, júrip ótken jolynda kem degende 49 adamnyń ómirin qıdy, dep habarlaıdy Independent.
Bermýd araldarynda 2-sanatty daýyl týraly eskertý jarııalandy. Ulttyq daýyl ortalyǵynyń málimeti boıynsha, juma kúni saǵatyna 100 mıl (160 km/saǵ) jyldamdyqpen soqqan jeldiń jyldamdyǵy álsireýi múmkin.
«Melıssa» daýylynan qaza tapqandar sany zalal kólemin baǵalaǵan saıyn artyp keledi.
Gaıtı bıligi balalardy qosa alǵanda, kem degende 30 adam qaza tapqanyn málimdedi. ıAmaıkada 19 adam qaza tapty. Kýbada qaza tapqandar týraly habarlanǵan joq, biraq aral qatty japa shekken.
AQSh «Melıssa» daýylynan zardap shekkenderge kómektesý úshin Karıb teńizine apattarǵa jaýap berý toptaryn jiberetinin málimdedi.
Daýyl Karıb teńizinde tirkelgen úshinshi eń kúshti daýyl boldy.
Buǵan deıin daýyl ıAmaıka men Kýbaǵa soǵyp, Gaıtı men Domınıkan Respýblıkasynda jappaı evakýatsııaǵa sebep bolǵany aıtylǵan.