Qarashanyń qorytyndysy: Tsesnabank oń nátıjeleri týraly málimdedi
Basqarý esepteýleriniń málimetterine saı, aı sońynda Bank 21 mlrd teńge kóleminde tabysqa ıe bolady dep boljanýda.
Aǵymdaǵy ótimdilik qory Tsesnabankke barlyq mindettemelerin jaıly atqarýǵa múmkindik beredi. IV toqsannyń basynan beri bıznestiń barlyq baǵyttary boıynsha aqshalaı qarajattyń qozǵalysy dınamıkasynda oń ózgerister baıqalýda. Qarashanyń ortasynan bastap kirister shyǵyndardan basym bolyp otyr.
Bólshek saýda bıznesiniń jappaı segmentinde jáne ShOB sektorynda iskerlik belsendiliktiń tolyqtaı qalypqa keltirilýi, depozıtterdiń qaıta oralýy jáne ulǵaıýy, sondaı-aq ShOB aınalymdarynyń ósýi baıqaldy. ShOB nesıelendirý kólemi qyrkúıekke deıin bolǵan deńgeıge shyqty.
Tsesnabank qysqamerzimdi jáne uzaqmerzimdi qorlandyrýǵa ıe. Qarashada bank belsendi túrde óziniń uzaqmerzimdi oblıgatsııalaryn jergilikti naryqqa ornalastyrýǵa kiristi. Qazirgi tańda 70 mlrd teńgeden astam somaǵa oblıgatsııalar ornalastyrylǵan.
Bank ekonomıkanyń naqty sektoryn qoldaıtyn memlekettik baǵdarlamalarǵa qatysady, onyń ishinde 600 mlrd teńgege deıin somanyń uzaqmerzimdi teńgelik ótimdiligin qamtamasyz etý boıynsha Baǵdarlamaǵa qatysýdy kózdep otyr. Klıentterdiń qajettilikterin eskere kele, atalmysh Baǵdarlama sheńberinde Tsesnabank 70 mlrd teńgege deıin somaǵa ótinim jasaýda. Sondaı-aq bank klıentteriniń bıznes-josparlaryn qarjylandyrý úshin qazaqstandyq jáne halyqaralyq damý ınstıtýttarymen seriktestik ornatqan.
26 qarashada Bank "Problemalyq nesıeler qory" AQ-na 450 mlrd teńgege agronesıe portfelderin satý boıynsha jasalǵan kelisimder aıasynda barlyq mindetterin oryndaǵanyn jetkizgen. Dálirek toqtalar bolsaq, PNQ aktıvterin berýmen baılanysty kepilderdi qaıta tirkeý aıaqtaldy. Jaqyn ýaqytta atalmysh kelisim sheńberindegi sońǵy transhtyń aýdarylymy kelip túsedi dep kútilýde. PNQ-nan alynǵan qarajatty biz klıentterimizdiń bıznesin qarjylandyrýǵa baǵyttaımyz, sondaı-aq QR Ulttyq bankinen alǵan qaryzdy merziminen buryn ótep tastaýǵa jumsaımyz.
Bank óziniń ónim jelisin keńeıtýdi jalǵastyrýda. Mysaly, depozıtter tizimi 13,5% maksımaldy tıimdi mólsherlemesi bar «Tsesna Maksımým» jańa jınaqtaý salymymen tolyqty.Sondaı-aq «7-20-25» memlekettik ıpotekalyq baǵdarlamasyn belsendi túrde júzege asyryp jatyr. «Baspana hıt» memlekettik ıpotekalyq baǵdarlamasy sheńberindegi alǵashqy nesıeler Tsesnabankpen berildi. Sondaı-aq «Orda» ónimin júzege asyrýdaǵy Qazaqstan ıpotekalyq kompanııasynyń birinshi seriktes banki atandy.
Qarashada jeke tulǵalarǵa arnalǵan Tsesnabanktiń mobıldik qosymshasy iske qosyldy. Klıentter sheńberi men qosymshanyń atqarymdary keńeıtilip, tolyqtyrylatyn bolady.
Tsesnabank óziniń óńirlik jelisin damytýyn jalǵastyryp, onyń tıimdiligin arttyrýda. 2018 jyldyń 29 qazanynda Túrkistan oblysynda Banktiń jańa, jıyrma ekinshi fılıaly ashyldy.
Osylaısha, Tsesnabank senimdi túrde óziniń naryqtyq pozıtsııasyn ustanyp, óz klıentteri úshin qazirgi zamanǵy bank ónimderi men qyzmetterin usynyp otyr.
