Qarasha aıynda iskerlik belsendilik ındeksi ósti - Ulttyq bank

ALMATY.QazAqparat – Ulttyq banktiń aqsha-kredıt saıasaty departamentiniń dırektory Jandos Shaımardanov qarasha aıyndaǵy iskerlik belsendilik ındeksi týraly aıtyp berdi, dep habarlaıdy QazAqparat.

Іskerlik belsendilik ındeksi qarasha aıynda birshama ósip, 48,8-den 49,4 kóterilip, 0,6 tarmaqqa jaqsara tústi.

«Indekstiń ósýine qurylys salasyndaǵy jaǵdaıdyń jaqsarǵany áser etti dese de bolady. Aıtalyq, osy jyldyń aqpan aıynan beri, ıaǵnı bul sala alǵash ret qazandaǵy 47,6-dan 52,5-ke kóterildi. Degenmen ónerkásip pen qyzmet kórsetý salalarynda, sáıkesinshe, jaǵdaı sol kúıi – 49,6 jáne 48,7. Aımaqtar arasynda qarasha aıynda iskerlik belsendilik Soltústik Qazaqstanda, Túrkistan oblysy men Shymkent qalasynda áldeqaıda jaqsarǵan. Al, kerisinshe, ındeks Batys-Qazaqstan oblysynda birshama tómendep otyr», – dedi Jandos Shaımardanov.

Onyń aıtýynsha, bıznes ındeksiniń kórsetkishi qarashada 1,3 boldy (osy jyldyń qazan aıynda - 0,0 edi), bul – óz kezeginde bıznes júrgizýge jaqsy jaǵdaı jasalǵanyn kórsetedi. ıAǵnı, kásiporyndar qazirgi bıznespen baılanysty jaǵdaıǵa jaqsy baǵa berip otyr. Respondentter bıznes júrgizýdegi jaǵdaıdyń jeltoqsan aıynda da jaqsara túsetinine kámil senedi. Oǵan berilgen boljamdy baǵa – 4,3.

Іskerlik belsendilik ındeksi kásiporyndar arasynda júrgizilgen saýalnamaǵa negizdelip jasalady. Olardyń qazirgi kórsetkishteri, keleshektegi ózgeristerge degen boljamdary – bári eskeriledi. Qarasha aıynda mundaı saýalnamaǵa 451 kásiporyn qatysty: qurylys – 64, ónerkásip – 169, qyzmet kórsetý salasy – 218.