Qarasha aıynda elimizdegi ınflıatsııa deńgeıi 0,6% qurady
Málimetterge qaraǵanda, baǵa azyq-túlik taýarlaryna ótken aıda 0,7 paıyzǵa, azyq-túlik emes taýarlaryna jáne aqyly qyzmetterge - 0,5 paıyzǵa ósken. Sonymen qatar, qarashada respýblıka boıynsha ortasha baǵa ósimi tátti buryshqa 20,6 paıyz, qyzanaqqa, qaraqumyq jarmaǵa - 19,6 paıyzdan, qııarǵa - 11,1 paıyz, qyryqqabatqa - 8,6 paıyz, kartopqa - 8,2 paıyz, qyzylshaǵa - 3,2 paıyz, súzbege - 1,4 paıyzǵa baıqalǵan. Budan bólek, birinshi sortty bıdaı uny, shoshqa eti 1 paıyzǵa, sút, qaımaq, muzdatylǵan balyq 0,7 paıyzdan, aıran - 0,6 paıyz, irimshik - 0,5 paıyzǵa, nan, qara shaı - 0,4 paıyzǵa qymbattaǵan.
Sonymen bir mezgilde, baǵanyń tómendeýi lımonǵa 4,3 paıyz, bananǵa - 2,3 paıyz, taýyqtyń sıraǵyna - 2,2 paıyz , sábizge - 1,1 paıyzǵa tirkeldi.
Málimetterge súıensek, baǵa ósimi farmatsevtıkalyq ónimderge 1,5 paıyz, qatty otynǵa - 0,9 paıyz, kıim jáne aıaqkıimderge - 0,7 paıyz, jýǵysh jáne tazalaǵysh quraldarǵa - 0,3 paıyzdy qurady.
Budan bólek, esepti kezeńde baǵalar dızel otynyna 3,4 paıyz, AI-95,96 markaly benzınge, suıytylǵan gazǵa - 0,8 paıyzdan ósken.
Shashtarazdar men jeke qyzmet kórsetý oryndarynyń qyzmetterine 1 paıyz, meıramhanalar men qonaq úılerge - 0,9 paıyz, mektepke deıingi bilim berýge - 0,8 paıyz, demalys, oıyn-saýyq jáne mádenıet salasyndaǵy qyzmetterge, densaýlyq saqtaýǵa - 0,4 paıyzdan ósken. Sonymen birge, tólem alys qashyqtyqqa qatynaıtyn jolaýshylardyń temir jol kóligine 1,6 paıyzǵa tómendedi. Al turǵyn úı-kommýnaldy qyzmetter salasynda tarıfter ortalyqtan jylytýyna 1,9 paıyzǵa, ystyq sýǵa - 1,7 paıyz, turǵyn úıdi kútip ustaýǵa 0,6 paıyz kóterildi.