«Qarapaıym zattar ekonomıkasy»: Almatyda 65 joba qarjylandyryldy

ALMATY. QazAqparat – Almaty qalasynyń Kásipkerler palatasynyń dırektory Aıtýar Qoshmambetov onlaın brıfıng barysynda «Qarapaıym zattar ekonomıkasy» memlekettik baǵdarlamasynyń júzege asyrylýy jáne ınfraqurylymdyq jobalarda jergilikti qamtý úlesin arttyrý sharalary týraly aıtyp berdi, dep habarlaıdy QazAqparat tilshisi.

Osy maqsatta Ulttyq kásipkerler palatasy alańynda basym jobalarǵa jeńildikpen nesıe berý baǵdarlamasynyń jumysyna monıtorıng júrgizý boıynsha jobalyq keńse quryldy.

«2020 jyldyń 5 qarashadaǵy jaǵdaı boıynsha 110,5 mlrd teńge somasyna 65 joba maquldandy. Onyń ishinde 89,9 mlrd teńge somasyna 54 joba qarjylandyryldy. 14,3 mlrd teńge somasyna 7 joba qaraý jáne qujattardy jınaý satysynda»,– deıdi Aıtýar Qoshmambetov.

Onyń aıtýynsha, jumystarynyń taǵy bir mańyzdy baǵytynyń biri - qazaqstandyq taýar óndirýshilerge memlekettik satyp alýlarǵa qatysý kezinde qoldaý kórsetý.

«Indýstrııalyq sertıfıkattardy berý — Ulttyq kásipkerler palatasynyń quzyrynda. Indýstrııalyq sertıfıkat - bul óndiristiń bar ekendigin rastaıtyn, biraq jergilikti qamtýdyń úlesin jáne taýardyń naqty partııasyndaǵy nemese birligindegi shyǵý tegin aıqyndamaıtyn qujat. Bıyl Almaty qalasynyń kásipkerler palatasy 47 ındýstrııalyq sertıfıkat, 355 «CT-KZ» nysanyndaǵy sertıfıkat jáne 4782 taýardyń eksportqa shyǵarylǵany týraly sertıfıkat berdi»,– deıdi spıker.