Karantın rejımi: 17 tamyzdan bastap qandaı ózgerister bolady
Osy ýaqytqa deıin qyzmetine tyıym salynbaǵan nysandar dúısenbiden ári jumysyn jalǵastyra beredi. Osy nysandardan bólek, saýda jáne oıyn-saýyq ortalyqtary men saýda úıleriniń jumysy qaıta jandanady.
«Eger buǵan deıin saýda ortalyqtarynda dárihanalar men azyq-túlik dúkenderi ǵana jumys istese, dúısenbiden bastap saýda ortalyqtarynda býtıkterde de jumys isteı alady. Sondaı-aq, saýda jelileri men ashyq bazarlar jumys isteı bastaıdy. Sulýlyq salondarynyń, sulýlyq ortalyqtarynyń, shashtarazdardyń, SPA-ortalyqtarynyń jumysyna ruqsat etiledi. Bul nysandardyń barlyǵyna qatań talaptar qoıylady», - dedi QR Bas memlekettik sanıtarlyq dárigeri Aıjan Esmaǵambetova Ortalyq kommýnıkatsııalar qyzmetinde ótken onlaın brıfıngte.
Sondaı-aq, bıznes nysandary osy talaptarǵa saı bolýy kerek. Talaptar eń aldymen, karantındi jeńildetýdiń alǵashqy kezeńderinde nysanda adamdardyń kóp jınalmaýyna, áleýmettik qashyqtyqtyń qamtamasyz etilýine baǵyttalǵan.
Eresekter men balalarǵa arnalǵan bilim berý ortalyqtary da ashylatynyn aıta ketý kerek. Atalǵan ortalyqtardyń qyzmeti shekteledi, ıaǵnı bir topta 5 adamnan aspaýy kerek. Al sabaqtar aldyn ala jazylý, kúsheıtilgen dezınfektsııa jáne áleýmettik qashyqtyqty saqtaý arqyly júrgizilýi kerek.
«Mektepke deıingi mekemelerdiń jumysyna da ruqsat etiledi, birinshi kezeńde olar kezekshi toptar túrinde jumys isteıdi. Ár jasqa 15 baladan aspaıtyn kezekshi toptar qurylady», - deıdi Aıjan Esmaǵambetova.
Dúısenbiden bastap ashyq aspan astyndaǵy attraktsıondarǵa ruqsat etiledi. Mundaı jaǵdaıda áleýmettik qashyqtyqty saqtaý, kelýshiler aǵynyn retteý jáne maska taǵý mindetti.
QR Bas memlekettik sanıtarlyq dárigerdiń aıtýynsha, fıtnes ortalyqtary da jumysyn bastaıdy. Bastapqy kezeńde fıtnes ortalyqtarda basseın jumys istemeıdi jáne ár adam úshin kem degende 5 sharshy metr jer qaralýy kerek.
Sonymen qatar, monsha men saýnalar qandaı tártipte jumys isteıtini belgili boldy.
Bastapqy kezeńde monsha men saýnalardyń jumysy basseınsiz jumys jasaıdy. Nysannyń ishi 50% bos bolýy kerek jáne ár kelýshige kem degende 4 sharshy metr aýmaqtan kelýi tıis.
A.Esmaǵambetova atap ótkendeı, koronavırýstyń taralý sanyn azaıtý boıynsha qol jetkizilgen dınamıkany saqtap qalý qajet.
«ıAǵnı, Qazaqstandaǵy koronavırýs boıynsha epıdemıologııalyq jaǵdaıdyń turaqtanýyn sıpattaıtyn dınamıkany saqtap qalý kerek. Sondyqtan, birinshi kezeńde qashyqtan jumys isteý boıynsha 80/20 qatynasy saqtalady. Múmkindiginshe, qashyqtan jumys formatyn saqtap, jumysqa qyzmetkerlerdiń 20% ǵana kelgeni durys», - deıdi ol.
Qoǵamdyq kólik qozǵalysy qaıta jandanady, biraq qoıylatyn talaptar kúsheıtildi.
«Qoǵamdyq kólikter otyratyn oryndar sanyna qaraı toltyrylady. Mindetti talaptar - maska rejımi jáne sońǵy aıaldamarda dezınfektsııa jasaý. Áleýmettik qashyqtyq pen jeke gınıenany saqtaýdyń da mańyzy zor», - deıdi Aıjan Esmaǵambetova.
17 tamyzdan bastap sportshylar men sport súıer qaýym úshin de jaqsy jańalyq: elimizde ulttyq quramalar men sporttyq klýb komandalaryna jattyǵýǵa qaıta kirisýge ruqsat etiledi.
«Turǵyndarǵa sportpen shuǵyldanýǵa ruqsat etiledi. Bul – jeke sport túrleri, ashyq aspan astynda toptyq jattyǵýlar. Jattyǵý jasaıtyndar sany 5 adamnan aspaýy kerek jáne áleýmettik qashyqtyqty saqtaýǵa mindetti. Buǵan qosa, biz sporttyq bazalarda 30 adamnan aspaıtyn jaǵdaıda jáne ulttyq profılaktıkalyq jáne epıdemııaǵa qarsy is-sharalar saqtalatyn bolsa, ulttyq qurama komandalarǵa, sporttyq klýby komandalaryna sporttyq jattyǵýlar ótkizýge ruqsat berdik. Halyq úshin bir otbasy múshelerin qospaǵanda kóshede 3 adamnan kóp júrýge ruqsat etilmeıdi. Saıabaqtarǵa, alańdarǵa, jaǵalaýlarǵa, ıaǵnı ashyq aspan astyndaǵy barlyq nysandarǵa barýǵa bolady. Biraq áleýmettik qashyqtyqty qadaǵalaý kerek», - deıdi ol.
Al basseınderdi ashý karantındik sharalardy jeńildetýdiń ekinshi kezeńinde qaralady.
ıAǵnı, epıdemıologııalyq jaǵdaıdyń turaqtanýy men onyń jaqsarýyna aıryqsha ekpin qoıylady.
«Basseınderge aıtarlyqtaı qatań talaptardy qoıamyz. Sáıkesinshe, bıznes-qoǵamdastyq bul talaptarǵa daıyn bolýy tıis», - deıdi QR Bas memlekettik sanıtarlyq dáriger.
Aıta keteıik, 13 tamyzda QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda Karantın sharalaryn kezeń-kezeńimen alyp tastaý jospary bekitildi.
Aıta keteıik, koronavırýsqa qatysty epıdemıologııalyq jaǵdaıdy odan ári turaqtandyrý maqsatynda demalys kúnderi shekteý sharalary saqtalady.
«Ne sebepti demalys kúnderi lokdaýndy saqtaımyz? Birinshi maqsat – qol jetkizilgen kórsetkishterdiń ońtaıly dınamıkasyn saqtaý. Infektsııanyń taralýynda basty sebep ne? Ol - adamdardyń qarym-qatynasy. Ózderińiz jaqsy bilesizder, demalys kúnderi adamdardyń ózara qarym-qatynasy kóbeıedi, turǵyndardyń saparǵa shyǵýy artady», - deıdi Aıjan Esmaǵambetova.
