Qaraqalpaqstanda rezervat qyzmetkerleri «Qyzyl kitapqa» engen 3 Buhar buǵysyn aýlaǵan

TAShKENT. Kazinform - Ózbekstannyń Ekologııa, qorshaǵan ortany qorǵaý jáne klımattyń ózgerýi mınıstrligine qarasty Amýdarııa quıylysyndaǵy memlekettik bıosferalyq rezervatynyń qyzmetkerleri 3 Buhar buǵysyn (Toǵaı kermaraly nemese lat. Cervus elaphus bactrianus) aýlaǵany anyqtaldy. Jaǵdaıdy Qaraqalpaqstan Respýblıkasy Bırýnı aýdany ІІB zerdeledi, dep habarlaıdy Kazinform mınıstrliktiń baspasóz qyzmetine silteme jasap. 

Zertteý barysynda ańshy myltyǵymen bir atalyq jáne eki analyq buǵynyń óltirilgeni belgili boldy. Oqıǵa ornyn tekserý kezinde qoryqtaǵy qosalqy jerinen sholaq myltyq oǵynyń 2 plastık synyqtary, qan tárizdi qyzyl daqtar jáne sholaq myltyq tabyldy. Sholaq myltyq zattaı aıǵaq retinde alyndy.

Ózbekstannyń «Qyzyl kitabyna» engen Buhar buǵysyn óltirý nátıjesinde janýarlar dúnıesine jalpy somasy 3 mıllıard 375 mıllıon sým (1 teńge – 25,80 sým) materıaldyq shyǵyn keltirilgen.

Jaǵdaıǵa qatysty azamat M.Q. Ózbekstan Respýblıkasy Qylmystyq kodeksiniń 202-baby 3-bóliginde kózdelgen qylmysty jasady degen kúdikpen qamaýǵa alyndy. Qazirgi ýaqytta Bırýnı aýdandyq ІІB-niń tergeý bólimi tarapynan qylmystyq is qozǵalyp, sotqa deıingi tergeý jumystary júrgizilýde.

Eske sala keteıik, Ózbekstanda áıelin uryp, shashyn qyryp tastaǵan muǵalim sottalǵany jaıly jazǵan edik.