Qaraǵandylyqtar Denıs Tendi eske alyp, aspanǵa aq shar ushyrdy

QARAǴANDY. QazAqparat - Qaraǵandyda  N.Ábdirov atyndaǵy Sport saraıynyń alańynda Denıs Tendi eske alýǵa arnalǵan qaraly aktsııa ótti, dep habarlaıdy QazAqparat tilshisi.

Júzdegen qaraǵandylyq tanymal mánerlep syrǵanaýshy Denıs Tenniń rýhyna taǵzym etý úshin jınaldy. Jınalǵan jurtshylyq sham jaǵyp, sportshynyń portretiniń aldyna gúl shoqtaryn qoıdy. Qaza tabýshyny bir mınýt únsizdikpen eske aldy.

Ony eske alý úshin aspanǵa aq jáne qara tústi áýe sharlary ushyryldy. Qara tústi sharlar aza tutýdy bildirse, aq sharlar jas mánerlep syrǵanaýshynyń jarqyn beınesi retinde ushyryldy.