Qaraǵandylyq ustazdar Astana qalasynyń Nur-Sultan atalýyn biraýyzdan qoldady
«Elbasynyń arqasynda otyz jyldyń ishinde elimizdiń bilim berý salasy qarqyndy damydy. Muǵalimderge júıeli túrde qoldaý kórsetilip, shákirtterimizdiń álemdik deńgeıge saı sapaly bilim alýyna jaǵdaı jasaldy. Táýelsizdik alǵan jyldardan bastap Respýblıkamyzda kóptegen Nazarbaev zııatkerlik mektepteri, oblystyq mamandandyrylǵan mektep ınternattary jáne Nazarbaev ýnıversıteti bastaǵan joǵarǵy oqý oryndary ashylyp, jas urpaq bilim nárimen sýsyndaýda. Sonymen qatar Elbasynyń kóregendigi arqasynda «Bolashaq» baǵdarlamasy qabyldanyp, jastarymyz álemniń ár tarapynda bilimin shyńdap, búgin elimizdiń órkendeýine atsalysa bastady», - deıdi qaraǵandylyq pedagogtar.
Elbasynyń ár Joldaýynda bilim men ǵylym salasyna orasan zor kóńil bólindi. Mektepter men kásiptik-tehnıkalyq bilim mekemelerinde materıaldyq-tehnıkalyq bazalar zamanaýı jabdyqtalyp, ustazdardyń jalaqysy únemi kóterilip, jumys úrdisi yntalandyryldy. Ustazdardyń pikirinshe, osy jáne ózge de memleket tarapynan jasalaǵan qoldaýlardyń arqasynda mektepterde oqýshylar úshin arnaıy robototehnıka, gıdroponıka, ıntellektým kabınetteri men kovorkıng, IT jáne medıa ortalyqtary ashyldy. Jas jetkinshekter IT tehnologııalardyń arqasynda jańa baǵdarlamalardy ıgerip, shyǵarmashylyqtarynda ınnovatsııalyq úrdister men úzdik ónimderge qol jetkize bastady.
«Jastar elimizdiń bolashaǵy desek, osyndaı bilim oshaqtarynan túlep ushqan oqýshylar, joǵarǵy oqý oryndaryn támamdap básekege qabiletti maman atanyp, elimizdiń ósip damýyna óz úlesterin qosýda. Bunyń barlyǵy Elbasynyń bilimge degen ákelik qamqorlyǵy dep bilemiz. Ult bolashaǵyna ólsheýsiz úles qosqan Qazaqstan Respýblıkasynyń Tuńǵysh Prezıdenti Nursultan Ábishuly - ultymyzdyń uly ustazdarynyń biri bolyp tarıhta máńgilik qalatyn dara tulǵa. Sondyqtan, Astana qalasyn Nur-Sultan dep atalýy ábden laıyqty sheshim», - dep atap ótti ustazdar.
Aıta keteıik, bul úndeýge Qaraǵandy joǵary polıtehnıkalyq kolledji, Temirtaý joǵary polıtehnıkalyq kolledji, A.Mýsın atyndaǵy Balqash gýmanıtarly-tehnıkalyq kolledji, Jezqazǵan polıtehnıkalyq kolledji , A.Qunanbaev atyndaǵy Saran gýmanıtarly-tehnıkalyq kolledji, Abaı kópsalaly kolledji, Shahtınsk tehnologııalyq kolledji, Qaraǵandy kólik-tehnologııalyq kolledji, Nurmaqov atyndaǵy mamandandyrylǵan mektep - ınternaty , № 93 gımnazııa, № 101 mektep-lıtseı , Aqtoǵaı aýdanynyń K.Baıseıitova atyndaǵy orta mektebi, Sátpaev qalasynyń № 1 gımnazııa ujymdary ún qosty.
