Qaraǵandylyq oqýshylar qoldanylǵan masqaǵa arǵalǵan «aqyldy» ýrna oılap tapty

TEMІRTAÝ. QazAqparat – Qaraǵandy ındýstrııalyq ýnıversıtetinde qalalyq tsıfrlyq ekojúıeni damytý boıynsha ózekti mindetterdi sheshýge baǵyttalǵan hakaton ótti. Oǵan Temirtaý qalasynyń jalpy bilim beretin mektepteri men kolledjderinen barlyǵy 14 komanda qatysty, dep habarlaıdy QazAqparat tilshisi.

№9 lıtseıdiń qatysýshylary «aqyldy» ýrna, kvartstyq sham jáne antıseptıkke arnalǵan búrikkish ázirlemelerin usynyp, jeńimpaz atandy.

Innovatsııalyq jobalar úsh baǵyt boıynsha ázirlendi:

- «aqyldy» qala;

- «aqyldy» ýnıversıtet;

- qoǵam ómirindegi aqparattyq tehnologııalar.

Hakaton jeńimpazdary - №9 lıtseı oqýshylary Beıbarys Ergeshbaev pen Bekarys Hısa «Abaı bol, ózińe qamqor bol!» jobasyn usyndy. Olardyń esebinde úsh ónertabys bar. Bul – qoldanylǵan maskalarǵa arnalǵan «aqyldy» qoqys jáshigi, onyń avtomatty túrde ashyp-jabylatyn fýnktsııasy bar. Ol qozǵalys sensorynan jumys isteıdi. Sondaı-aq, lıtseı oqýshylary taımer boıynsha qosylatyn jáne kvartstaý ýaqytynda úı-jaıdan shyǵý qajettiligi týraly habarlaıtyn avtomattandyrylǵan kvarts shamyn tanystyrdy. Budan bólek, qozǵalysty baqylaý datchıgi arqyly iske qosylatyn antıseptıkti búrikkish.

Ekinshi oryndy Temirtaý joǵary polıtehnıkalyq kolledjiniń stýdentteri Dmıtrıı Shmıdt, Tımofeı Ergýnov jáne Elena Ilıasova engen komanda ıe boldy. Olar dex-SU-AZ Platon jobasyn usyndy. Python bilim mekemelerinde kireberis esikten adamdardy ótkizý rejımin avtomattandyrýǵa baǵyttalǵan. Ol vıdeo saraptama kómegimen adamdardyń bet-beınesin tanıdy. Jobada sondaı-aq ǵımaratqa kire beriste oqýshylardyń temperatýrasyn baqylaý úshin sheshim usynyldy.

«Baǵdarlamalyq kodty ázirleý men jazýdy eskere otyryp, jobany iske asyrýǵa bizge úsh aı qajet boldy. Men jeke ózim Python baǵdarlamalaý tilin úırendim, onymen tórt jyl jumys istep kelemin. Hakaton maǵan tek jaǵymdy emotsııalar qaldyrdy, jańa tájirıbe aldym, osyndaı is-sharalarǵa qatysýdy jalǵastyrǵym keledi», – deıdi Dmıtrıı Shmıdt.

TemirTau-2022 hakatonyndaǵy úshinshi oryn №14 JBBOM oqýshysy Anton Shýtovqa buıyrdy. Ol «EITable Mendeleev kestesiniń negizgi elementterin este saqtaýǵa arnalǵan mobıldik qosymsha» jobasyn usyndy.