Qaraǵandylyq qutqarýshylar áskerı qyzmetshiler úshin oqý-ádistemelik jıyn ótkizdi

QARAǴANDY. QazAqparat - Qaraǵandy oblysynyń TJD qyzmetkerleri QR Ulttyq Ulanynyń «Ortalyq» RMKK 52859 áskerı bóliminiń áskerı qyzmetshileri úshin sabaq uıymdastyrdy.

10-14 aqpan aralyǵynda munda qutqarý jáne áskerı-medıtsınalyq daıyndyq boıynsha oqý-ádistemelik jıyn ótýde, dep habarlaıdy QazAqparat tilshisi.

Jıynda áskerı qurylymdardyń komandırlerine sý basý aımaǵynda qutqarý jumystaryn júrgizý jáne adamdardyń qaýipsizdigin qamtamasyz etý máseleleri týraly aıtylady. Apattyq-qutqarý, evakýatsııalaý quraldarymen jáne ózge de qural-jabdyqtarmen qalaı jumys isteý kerektigi túsindiriledi. Tyńdaýshylardy jaraqat alyp, kúıik shalǵanda jáne úsigende, ýlanyp qalǵanda alǵashqy medıtsınalyq kómek kórsetý daǵdylary úıretiledi.

Oqý-jattyǵýdy «Jedel-qutqarý jasaǵy» MM kásibı qutqarýshylary, sondaı-aq apattar medıtsınasy ortalyǵynyń qyzmetkerleri júrgizedi.

Ár dáristen keıin oqý ortalyǵynda tájirıbelik sabaqtar ótedi. Bul tyńdaýshylarǵa ótken materıaldy bekitýge jáne alǵan daǵdylardy pysyqtaýǵa kómektesedi. Oqý-ádistemelik jıyn qorytyndysy boıynsha ár qatysýshy testileýden ótedi.

Azamattyq qorǵanys basqarmasy odan ári adamdardy qutqarý jáne tótenshe jaǵdaılar kezinde alǵashqy medıtsınalyq kómek kórsetý daǵdylary men bilimin jetildirý úshin osyndaı jıyndardy uıymdastyrýdy josparlap otyr.