Qaraǵandylyq kásipodaqtar reıdke shyqty
Mobıldi top jaqynda ashylǵan «Global city» jańa kóterme-taratý logıstıkalyq ortalyǵyna reıd júrgizip qaıtty.
Top ókilderiniń sózinshe, kólemi shamamen 60 gektar aýmaqtaǵy saýda jáne qoıma ǵımarattarynyń kireberisterine koronavırýs profılaktıkasy týraly habarlandyrý ilingen. Azyq-túlik pavılondarynyń satýshylary jeke qorǵanysh quraldarymen tolyqtaı qamtylǵan. Kireberisterdiń barlyǵyna sanıtaızerler qoıylǵan jáne turǵyndar ortalyqqa dene qyzýy ólshenip, maskamen kirgiziledi.
Sonymen qatar, koronavırýs ınfektsııasynyń paıda bolýy men taralýyna jol bermeý maqsatynda ortalyqqa qatynaıtyn qoǵamdyq kólikter sanyn arttyrý josparlanyp otyr.
Reıd qorytyndysy boıynsha oǵan qatysqan memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵynyń Qaraǵandy oblystyq fılıalynyń tóraǵasy Ersin Abdýlmanafov pen «Nur Otan» partııasy Qaraǵandy qalalyq fılıalynyń «Birlik» bastaýysh partııa uıymynyń tóraǵasy Nurlan Áýbákirov, jańa ortalyqta karantın talaptary qatań saqtalyp otyr degen toqtam jasady.
