Qaraǵandylyq dárigerler birneshe magnıt jutyp qoıǵan balany aman alyp qaldy

QARAǴANDY. QazAqparat - Qaraǵandylyq dárigerler birneshe magnıt jutyp qoıǵan balanyń ómirin saqtap qaldy. Eki jasar sábıdiń ishek-qurylysynan bógde zattardy alyp tastaý úshin operatsııa jasaldy, dep habarlaıdy QazAqparat tilshisi.

4 aqpan kúni oblystyq balalar aýrýhanasyna 2 jasar bala tústi. Ol ishi aýyryp, qusqysy keletinin aıtqan. Qabyldaý bólminde ish qýysy músheleriniń rentgenografııasy jasalyp, asqazan-ishek joldarynda bógde zattar (magnıtter) bar ekeni anyqtaldy.

«Tez arada balaǵa operatsııa jasaldy. Operatsııa kezinde ishek perforatsııasynyń (jarylyp ketýi) aımaqtary anyqtaldy. Bógde zattyń metall magnıtter ekeni belgili boldy, barlyǵy 11 dana bolyp shyqty. Operatsııa 1,5 - 2 saǵatqa sozyldy. Qazirgi ýaqytta bala jansaqtaý bóliminde», - dep habarlady Qaraǵandy oblysynyń Densaýlyq saqtaý basqarmasynda.

Foto: Qaraǵandy oblysynyń Densaýlyq saqtaý basqarmasy