«Qaraǵandyǵa qaýip bar ma?» - baspasózge sholý

ASTANA. QazAqparat - «QazAqparat» halyqaralyq aqparat agenttigi 25 maýsym, sársenbi kúni respýblıkalyq buqaralyq aqparat quraldarynda jaryq kórgen ózekti materıaldarǵa sholýdy usynady.

***

«Egemen Qazaqstan» basylymynyń búgingi sanynda «Órkendegen óndiristi óńir» atty kólemdi maqala basyldy. Memleket basshysy Nursultan Nazarbaev Shyǵys Qazaqstan oblysyna jumys sapary aıasynda birqatar áleýmettik nysandarda bolyp, óńir jurtshylyǵymen júzdesti.

- Ekonomıkalyq damýdyń arqasynda biz áleýmettik, onyń ishinde sport salasyndaǵy máselelerdi sheshýge múmkindik aldyq. Búkil elimiz boıynsha sport nysandary qalpyna keltirilip, jańadan sport keshenderi salynýda. Atletterimizdiń nátıjeleri de barlyq baǵyttar boıynsha jaqsaryp keledi. Osynyń bári ult saýlyǵyn nyǵaıtýda mańyzdy mánge ıe bolyp otyr, - dedi Nursultan Nazarbaev. Prezıdent óńirdegi sport salasy ardagerlerimen áńgimelesip, oń ózgeristerdi atap ótti. Elbasy sondaı-aq, sport bazasyn keshendi damytý jumystary barysymen jáne óńirdegi bilim, jastar saıasaty salasynda júzege asyrylyp jatqan jobalarmen tanysty.

«Egemen Qazaqstan» gazetiniń jazýynsha, osy kúnderi Katar astanasy Dohada ıÝNESKO-nyń Dúnıejúzilik muralar komıtetiniń 38-shi sessııasy ótýde. Onda Uly Jibek joly BUU-nyń Bilim, ǵylym jáne mádenıet máseleleri boıynsha búkilálemdik muralar tizimine engizildi.

Orta ǵasyrlarda Shyǵys Azııa men Jerorta teńizine deıingi aımaqty jalǵaǵan kerýen jolyn ıÝNESKO-nyń Búkilálemdik muralar tizimine qosý máselesin Qazaqstan, Qytaı jáne Qyrǵyzstan tarapy kótergen bolatyn. Osydan 3-4 myń jyl buryn Qytaıdyń Shı-an degen jerinen bastalyp, Shynjań, Ortalyq Azııa arqyly Taıaý Shyǵysty jalǵaǵan kerýen joly baǵyty sol zamanda san halyqty bir-birimen jaqyndastyryp, olardyń mádenıetteriniń damýyna da óz septigin tıgizgeni anyq. Uly Jibek joly salǵan aıshyqty tarıh dala júzinde neshe ǵasyr boıy saırap jatty. Tek kári qurlyqtyń sý jolymen júk tasymaldaı bastaýy tarıhtyń jańa betterin ashyp, Jibek jolynyń soraby dala betinde kómeskilene bastaǵan. Endi, mine, araǵa ǵasyrlar salyp, Uly Jibek joly ıÝNESKO qorǵaıtyn tizimge engizildi. Bul maqala kópshilik nazaryna «ıÝNESKO tizimine endi» degen taqyryppen usynylyp otyr.

*** «Aıqyn» gazetiniń jazýynsha, ótken senbide Qaraǵandy oblysynda magnıtýdalyq kúshi 5,8 baldyq jerasty dúmpýi boldy. Qaraǵandyda MSK-64 baǵany boıynsha 4 baldy kórsetti. Bul tabıǵı zilzala emes, adamdardyń qolymen jasalǵan tehnogendik jer silkinisi degen tujyrym jasap otyr seısmologtar. Jeri jazyq Arqa óńirinde mundaı qatty jer silkinisi eshqa­shan bolmaǵan. Bálkim, azdaǵan terbelister bolǵan shyǵar, biraq ony tirkep, zertteıtin Ortalyq Qazaqstanda seısmıkalyq stan­salar joq. Seısmostansalar Almaty, Shyǵys Qazaqstan, Oń­tústik Qazaqstan jáne Qyzy­lorda oblystarynyń taýly aý­maqtarynda ornalasqan. Son­dyqtan Arqa jaqta kúshti zilzala bolady, bolmaıdy degen boljam aıtýdyń ózi qıyn. Biraq tehnogendik jerasty dúmpýleri Qaraǵandy shah­ta­larynyń mańynda bolýy múmkin degen joramaldar baıaǵydan aı­tylyp júr. Óıtkeni «jer as­tyndaǵy paı­daly qazbalar keý­lep alyn­ǵanmen, onyń bos orny basqa zatpen toltyryl­maǵan» deıdi geofızık mamandar. Bul maqala «Qaraǵandyǵa qaýip bar ma?» degen taqyppen jarııalandy.

Osy basylymda «Mektepke «EKSPO» páni engizilýi múmkin» atty maqala basyldy. Astanada ótetin EHRO-2017 jahandyq kórmesine birin qaldyrmaı, Qazaqstandaǵy barlyq balalardy qatystyrý kózdelýde! Bul týraly keshe, «Nur Otan» fraktsııasy janyndaǵy Áleýmettik keńes pen Májilistiń Áleýmettik-mádenı damý komıtetiniń birlesken otyrysy kezinde málim boldy. Osy jıynda «Astana EKSPO-2017 - Qazaqstan balalaryna» jobasynyń tusaýy kesildi. Qazaqstanda alda mektepterde «EKSPO» týraly mindetti arnaıy pán júrgizilýi múmkin. Keshe tanystyrylǵan jobada máselen, «Bolashaq energetıkasynyń múmkindikteri men perspektıvalary» taqyrybynda synyptaǵy jumysqa arnalǵan bilim berý baǵdarlamasy usynylyp otyr. Ol boıynsha EHRO-2017 qarsańynda mektepterde jas urpaq «bolashaq qýatynyń» ne ekendigin tanyp biledi. Bul rette eger joba tolyqqandy júzege assa, bilim ordalaryna osyǵan qajetti «daıyn oqý jınaqtary» taratylmaq.

***

«Ekspress-K» basylymynda «Davno ne bral ıa shashek v rýký» degen materıal berildi. Reseıde ınnovatsııalyq ádispen saýsaq protezderin ornatý boıynsha biregeı otany júzege asyrdy. Hırýrgter osyndaı alǵashqy operatsııany 20 jasar qazaqstandyqqa jasady. Dárigerlerdiń sózine qaraǵanda, ota sátti ótti jáne jas jigit endi qolymen túrli zattardy ustaýǵa qaýqarly. Atap aıtqanda, bir jyl buryn qaıǵyly oqıǵa saldarynan bul jigit oń qolyndaǵy úsh saýsaǵynan aıyrylyp qalǵan eken.