Qaraǵandydaǵy Molodejnyı-Osakarovka arasyndaǵy avtobýs qaıta qatynaı bastady
«Bas Prokýrordyń nusqaýyna sáıkes jergilikti oryndardaǵy prokýrorlar azamattardy qabyldaý, onyń ishinde aýyldyq okrýgterge baryp qabyldaý jumysyn jandandyrdy. Nátıjesinde prokýrorlar halyqty tolǵandyratyn máselelerdi jedel sheshedi.
Mysaly, Molodejnyı kentiniń turǵyndary Qaraǵandy oblysynyń prokýrory Baýyrjan Myrzakerovpen kezdesýde «Molodejnyı-Osakarovka» baǵyty boıynsha óte qajetti avtobýstyń joqtyǵy týraly habarlady. Turǵyndardyń aıtýynsha, buryn júretin marshrýt 2020 jyldan bastap toqtatylǵan», - dep jazdy baqylaýshy organnan.
Oblys prokýrorynyń nusqaýynan keıin aýdan ákimdigi tasymaldaýshymen tıisti shart bekitip, Kreşenovka, Pıonerskıı jáne Esil aýyldyq okrýgterin qamtıtyn «Molodejnyı-Osakarovka» baǵyty boıynsha marshrýt uıymdastyrdy.
Osyǵan uqsas túrde, oblys prokýrory barǵannan keıin Nura aýylynyń turǵynyna áleýmettik kómir bólý týraly másele sheshildi, azamattardyń neǵurlym egjeı-tegjeıli qaraýdy talap etetin birqatar ótinishteri jumysqa qabyldandy.
Jalpy, oblys prokýrorynyń saparlary azamattar arasynda oń pikirge ıe boldy.
