Qaraǵandydaǵy Dostyq úıinde Konstıtýtsııa kúni atalyp ótti
Kontserttik zalda etnomádenı birlestikterdiń ókilderi, jastar, sportshylar bas qosty. Qatysýshylar elimizdiń órkendeýinde, azamattardyń turaqtylyǵy men ál-aýqatyn saqtaýdaǵy negizgi Zańnyń basty rólin atap ótti. Olar jerlesterin eń basty memlekettik merekelerdiń biri - Konstıtýtsııasy kúnimen quttyqtady.
- Biz elimizdiń Konstıtýtsııamyzdyń negizinde ómir súrip, eńbek etemiz. Eń basty qundylyq - bizdiń azamattarymyz ben olardyń eńbekteri. Árbir adamnyń Qazaqstannyń táýelsizdigi men damýyna qosqan úlesi zor ról atqarady. Elbasy saıasatynyń arqasynda bizdiń respýblıka halyqaralyq arenada erekshe orynǵa ıe boldy. Bizdi búkil álemde biledi jáne qurmetteıdi. Bizdiń Saryarqanyń aýmaǵynda 130-dan astam etnostar turady. Búgin mańyzdy mereke - Konstıtýtsııa kúni qarsańynda biz Dostyq úıiniń shańyraǵyna jınalyp otyrmyz, - dedi Qazybek bı atyndaǵy aýdan ákimi Tatıana Shatohına.
Oblys ákiminiń atynan ol joǵary bilim berý qyzmetkerlerine jastardy tárbıelegeni, óńirdiń qoǵamdyq-saıası qyzmetine qosqan úlesi úshin alǵys hattar tabys etti.
- Konstıtýtsııa - bul biz úshin óte mańyzdy jáne basty qujat. Týǵannan bastap bizdiń barlyq quqyqtarymyz Konstıtýtsııamen qorǵalǵan. Biz sapaly bilim alyp, jan-jaqty damyp, óz bolashaǵymyzǵa senimdi bolamyz, - dep atap ótti E. A. Bóketov atyndaǵy QarMÝ stýdenti Qarakóz Tileýqabyl.
Sportshylar atynan barshany Konstıtýtsııa kúnimen álem kýbogynyń jeńimpazy, Azııa chempıonatynyń kúmis júldegeri Bekzat Ahmetbekov quttyqtady. Ol halyqaralyq jarystarda Qazaqstannyń týy kóterilgende qandaı maqtanysh sezimine bólenetini týraly aıtty. Qazaq kúresinen halyqaralyq dárejedegi sport sheberi jastardy azamattyq belsendilikke shaqyrdy.
B. Beısenov atyndaǵy ІІM Akademııasynyń basshysy, polıtsııa polkovnıgi Aqynǵalı Dármenov oqytýshylarǵa vedomstvolyq nagradalardy: «Іshki ister organdarynyń úzdigi» belgisin, Qurmet gramotalary men alǵys hattardy tabys etti.
Kontsertte halyqaralyq konkýrstardyń laýreattary, jergilikti kásibı ujymdar óner kórsetti. Fınalda jas bıshiler «Dostyq horovody» ashyq kompozıtsııasymen sahnaǵa shyqty.
