Qaraǵandyda Jeńis kúnine oraı avtosherý ótedi

ASTANA. QazAqparat - Qaraǵandylyq júrgizýshiler Uly Otan soǵysynda qaza tapqandardy eske alýdyń qurmetine 9 mamyr kúni dástúrli avtosherý ótkizedi, dep habarlaıdy óńir basshysynyń saıty. 

- Aldyńǵy jylmen salystyrǵanda bıyl qatysýshylar sany kóp bolady dep oılaımyz, - deıdi sherýdi uıymdastyrýshy Rýslan Lazýta. - Ol joly 500 avtomobıl júrip ótken bolatyn. Al bul joly sherýge taksı qyzmetteri múddelilik tanytyp otyr. 

Marshrýt ázirlenip, ákimdikte bekitiledi. Ótken jyldaǵydaı qala kóshelerinde kólik qozǵalysyna kedergi keltirmes úshin kolonna Temirtaý baǵytynda qozǵalyp, aınalma jolda keri qaıtatyn shyǵar. 
Qazirgi kezde qatysýǵa ótinimder qabyldanýda. Sherýge kez kelgen adam qatysa alady. Bul úshin óz kóligińizdi «VKontakte» paraqshasynda tirkep, sáýir aıynyń sońynda ótetin aldyn ala kezdesýge kelý kerek. Onda qatysýshylar kólikti qalaı bezendirý kerektigi jaıly bilip, sherýdiń jalpy erejelerimen tanysady.