Qaraǵandyda «Jeńis! Beıbitshilik! Eńbek! Mamyr!» kórmesi ashylady

QARAǴANDY. QazAqparat - 8 mamyrda Qaraǵandydaǵy oblystyq beıneleý óneri murajaıynda «Jeńis! Beıbitshilik! Eńbek! Mamyr!» kórmesi ashylady, dep habarlaıdy oblys ákiminiń resmı saıty.

 Ol úsh merekelege arnalady: 1 mamyr - Qazaqstan halqynyń birligi kúni, 7 mamyr - Otan Qorǵaýshylar kúni jáne 9 mamyr - Jeńis kúni.

Kórmede túrli ult sýretshileri salǵan beıneleý óneriniń túrli janryndaǵy týyndylar usynylady. Olardyń kartınalary kóktem, dostyq, tatýlyq pen yntymaqtastyq, beıbitshilik pen mahabbat, halyqtyń baqytqa degen talpynysy, jánede Uly Jeńiske arnalǵan.

Ekspozıtsııa negizinen qaraǵandylyq jáne qazaqstandyq sýretshilerdiń kórkem jáne grafıkalyq jumystarynan quralǵan. Dálirek aıtar bolsaq, munda S.P. Glazkovtyń salǵan Keńes Odaǵynyń Batyryi Martbek Mamyraevtyń portretin, A. Haıdarovtyń «Álııa» kartınasyn tamashalaýǵa bolady.

Kórme 13-shi mamyrǵa deıin jalǵasady.