Qaraǵandyda Úndistan azamatyn urlap áketkender ustaldy

ASTANA. QazAqparat - Qaraǵandyda Úndistan azamatyn urlap áketkender ustaldy, – dep habarlaıdy Polisia.kz-ke silteme jasap.

Qaraǵandy polıtsııasyna 27 jastaǵy Úndistan azamaty shaǵym túsirip, belgisiz bireýlerdiń ony kúshtep avtokólikke otyrǵyzyp, Astana qalasyna alyp ketkeni týraly habarlaǵan.

Elordada shetel azamatyn páterge aparyp, qorqytyp, kúsh qoldaný arqyly bosatý úshin 200 myń AQSh dollaryn talap etken.
«Qaraǵandy oblystyq Polıtsııa departamenti Uıymdasqan qylmysqa qarsy kúres basqarmasynyń qyzmetkerleri júrgizgen arnaıy jedel-izdestirý is-sharalary barysynda Astana qalasyndaǵy jaldamaly páterlerdiń biri anyqtalyp, ol jerden bopsalaý, adamdy urlap áketý kúdigimen 26 men 34 jas aralyǵyndaǵy tórt Ózbekstan azamaty ustaldy. Qazirgi ýaqytta adam urlaý, zańsyz bas bostandyǵynan aıyrý jáne bopsalaý baptary boıynsha sotqa deıingi tergeý amaldary júrgizilip jatyr»,– dep habarlady Qaraǵandy oblystyq Polıtsııa departamenti bastyǵynyń orynbasary Ábil Ábildın.

Foto:polisia.kz/ru