Qaraǵandyda ruqsatsyz dron ushyrǵandar ustaldy

NUR-SULTAN. QazAqparat – Qaraǵandy oblysynda ruqsatsyz dron ushyrǵan operatorlar ustaldy, dep habarlaıdy QazAqparat tilshisi.

QR Qorǵanys mınıstrliginiń habarlaýynsha, ruqsatsyz ushyrylǵan dron arqyly áýeden túsirilimder jasalǵan.

«Qaraǵandy oblysynda jedel áreket etý toby áskerı nysandardyń tóbesinen ruqsatsyz dron ushyryp, túsirilim jasaǵan operatorlardy ustady. Kvadrokopterden áskerı bólim obektileri men irgeles aýmaqtyń túsirilimi júrgizilgen. Atalǵan aýdanda ushý jáne áýeden túsirilim jasaý úshin aldyn ala ótinimder túspegeni anyqtalǵannan keıin jedel top áreketke kóshti. Ustalǵan adamdar men olardyń uqshqyshsyz ushý apparattary Saran aýdanynyń ishki ister bólimine tapsyryldy. Atalmysh fakt Ulttyq qaýipsizdik jáne Kólik prokýratýrasy organdaryna habarlanatyn bolady», - delingen mınıstrliktiń baspasóz qyzmeti taratqan aqparatta.

Qorǵanys mınıstrligi óz tarapynan ushqyshsyz apparattan áýeden túsirilim jasaý áreketteri QR Áýe keńistigin paıdalaný zańdary men erejelerine sáıkes júrgizilýge tıis ekendigin eske salady.