Qaraǵandyda óndiriletin vaktsına bir aptanyń ishinde resmı tirkeledi

NUR-SULTAN. QazAqparat - Densaýlyq saqtaý mınıstrligi Reseı Federatsııasynda óndirilgen vaktsınanyń alǵashqy partııasyn elge kirgizýge ruqsat berdi, dep habarlaıdy QazAqparat.

Vedomstvonyń málimetinshe, bul protsedýra «Halyq densaýlyǵy jáne densaýlyq saqtaý júıesi» týraly kodekste qarastyrylǵan.

Osylaısha atalǵan mehanızm arqyly el aýmaǵyna kirgizilgen dári-dármekti qoldanýǵa bolady degen sóz.

Dári-dármekti elge kirgizýge ruqsat beretin kezde mindetti túrde sapa sertıfıkaty men onyń tıimdiligi men qaýipsizdigin dáleldeıtin ózge de qujattar, sonymen birge GMP halyqaralyq standartyna saı ekenin rastaıtyn sertıkat talap etiledi.

Al endi Qaraǵandy farmatsevtıka kesheninde óndiriletin vaktsına bólek óndiris alańynda jasalatyn ónim retinde ázirge tirkelý ústinde.

Bul vaktsına tek qana tirkeý kýáligin alǵan soń ǵana qoldanylady.

Bul vaktsınany tirkeý rásimi 16-20 aqpan aralyǵynda aıaqtalady dep josparlanyp otyr.

Ol úshin ónim aldymen egjeı-tegjeıli zertteýden ótedi jáne halyqaralyq qaýipsizdik pen sapa talaptaryna saı ekenin rastaıtyn sertıfıkat alýy tıis.