Qaraǵandyda medıtsınalyq saqtandyrý júıesi iske qosyldy
MÁMS aprobatsııasyna arnalǵan dóńgelek ústelde aımaqtyń saqtandyrý medıtsınasy sheńberinde medıtsınalyq kómek kórsetýge daıyndyǵy talqylandy.
«Pılottyń» mindeti barlyq densaýlyq saqtaý júıesiniń MÁMS engizýge daıyndyǵyna aýdıt júrgizý jáne qajet bolǵan jaǵdaıda júıege ýaqtyly túzetýler engizý.
«Medıtsınalyq saqtandyrýdy synaqtan ótkizý aldyn ala kemshilikterdi anyqtaýǵa jáne olardy 1 qańtarǵa deıin jedel túzetýge múmkindik beredi. Biz normatıvtik-quqyqtyq bazaǵa, aqparattyq júıelerdiń daıyndyǵyna, medıtsınalyq qyzmetterdi tutynýshylardyń esebine,satyp alý men tólemdi jetildirýge barynsha nazar aýdardyq. Medıtsınalyq saqtandyrý júıesin testileýden ótkizýge respýblıkalyq bıýdjetten 2,3 mlrd teńge bólindi», - dedi QR Densaýlyq saqtaý mınıstri Eljan Birtanov.
QR Densaýlyq saqtaý mınıstrliginiń málimetinshe, pılottyq joba boıynsha júrek-qantamyr júıesi, qant dıabeti, glaýkoma jáne vırýstyq gepatıt aýrýlaryn erte anyqtaý úshin 175 myńnan astam adamdy profılaktıkalyq tekserýden ótkizýge jáne medıtsınalyq ońalý qyzmetterine 2,3 mlrd teńge bólingen.
Tegin medıtsınalyq kómektiń kepildik berilgen kólemi (budan ári –TMKKK) paketinde pılottyq aımaqtyń turǵyndary úshin 5,6 mln medıtsınalyq qyzmet qarastyrylǵan, odan tys saqtandyrý qarjysy esebinen 2,7 mln medıtsınalyq qyzmet kórsetiledi dep josparlanýda.
Saqtandyrý paketi boıynsha ınsýlt, ınfarkt, aýyr jaraqat nemese kúrdeli ota jasaǵan naýqastarǵa ońaltý kómegi kórsetiledi.
«Ókinishke qaraı, qazir Qazaqstanda ońaltý asa damymaǵan. Tek Qaraǵandy oblysynda 6 myńnan astam turǵyn ońaltýdy qajet etedi. Aprobatsııa aıasynda ońaltý qyzmetine qosymsha qarajat bólinedi. Aıta keteıin, búgin kardıoreabılıtatsııalyq ortalyqqa arnaıy baramyz. Óńir úshin mańyzdy bul joba memlekettik-jeke menshik áriptestik aıasynda júzege asyryldy»,-dedi mınıstr.
«Áleýmettik medıtsınalyq saqtandyrý qory» basqarma tóraǵasynyń orynbasary Botagóz Jakselekovanyń aıtýynsha, búginde Qaraǵandy oblysynda 118 uıym 72 mlrd teńgege tegin medıtsınalyq kómek kórsetýde. Medıtsınalyq mekemelermen birge medıtsınalyq saqtandyrý qorynyń fılıaly tegin medıtsınalyq kómek paketteri men MÁMS paketi boıynsha medıtsınalyq kómekti bólek esepke alý esebinen medıtsınalyq qyzmetterdi satyp alý josparlaryna ózgerister engizildi.
Qaraǵandy oblysyn pılottyq aımaq retinde tańdap alýdaǵy negizgi sebep – aımaqta keshendi medıtsınalyq aqparattyq júıe engizilgen, bul medıtsınalyq qujattamany qaǵaz júzinde júrgizýden bas tartýǵa múmkindik berdi. Oblystaǵy tirkelgender tizimindegi árbir turǵyn jeke elektrondyq densaýlyq pasportymen qamtamasyz etilgen. Pasportqa barlyq medıtsınalyq jazbalar kiredi jáne patsıentterdiń «emhana» men «statsıonarda» qaralý jáne emdeý barysyn elektrondyq túrde baqylaýǵa múmkindik beredi.
Medıtsınalyq saqtandyrý júıesindegi mártebeni anyqtaý úshin medıtsınalyq saqtandyrý qory «Saqtandyrý» aqparattyq júıesin ázirledi, ol pılot sheńberinde synaqtan ótedi. Ony «Azamattarǵa arnalǵan úkimet» memlekettik korporatsııasy «KEAQ aqparattyq júıelerimen ıntegratsııalaýǵa daıyndaldy. 1 qyrkúıekten bastap halyqqa saqtandyrý mártebesin berý boıynsha qyzmetti iske qosý josparlanýda.
«Densaýlyq saqtaý mınıstrligimen birge biz úlken daıyndyq jumystaryn júrgizdik jáne óńirimiz medıtsınalyq saqtandyrýdy synaqtan ótkizýge daıyn dep senimmen aıta alamyz. Oblystyń barlyq medıtsınalyq uıymdarynda tegin medıtsınalyq kómek kórsetetin aqparattyq júıeler engizilgen, jumys oryndary qajetti tehnıkamen qamtamasyz etilgen. Jeke ınvestorlardy tarta otyryp densaýlyq saqtaý ınfraqurylymy aıtarlyqtaı keńeıtildi. Bıyl oblysta 8 jańa emhana ashyldy, sondaı-aq, 3 jańa konsýltatsııalyq- dıagnostıkalyq ortalyq iske qosylady, 5 ońaltý jáne qalpyna keltirý ortalyǵy ashylady», - dep atap ótti oblys ákimi Erlan Qoshanov.