Qaraǵandyda «Mámile» qazaq tili klýby ashyldy

QARAǴANDY. QazAqparat - Qaraǵandydaǵy Dostyq úıinde «Mámile» qazaq tili klýby ashyldy, dep habarlaıdy óńir basshysynyń resmı saıty.

Munda barlyq nıet bildirýshiler kelip, ózderiniń memlekettik tildi úırenýdegi mashyqtaryn damyta alady. Klýbqa múshe retinde tirkelý tegin.

Tilder resýrs ortalyǵynyń dırektory Gúlnáz Mustaǵulovanyń aıtýynsha, klýbty ashýǵa «Sıtýatıvti qazaq tili» atty oqýlyqtyń avtory Qanat Tasybekov bastamashy bolǵan.

«Qanat Tasybekov óz tájirıbesi boıynsha qazaq tilin úırenýdiń avtorlyq ádistemesin qurǵan. «Mámile» klýbynda kitaptar, dápterler jáne grammatıkany jattaý bolmaıdy. Onyń ornyna qyzyqty áńgimeler men oıyndar uıymdastyrylady», - deıdi tilder resýrs ortalyǵynyń dırektory Gúlnáz Mustaǵulova.

Aptasyna bir ret, ár jeksenbi saıyn klýb músheleri Dostyq úıinde, 101 kabınette 16-00 kezdesip otyrady.