Qaraǵandyda koronavırýs vaktsınasyn saldyrǵan ujymdarǵa syılyq berilip jatyr

QARAǴANDY. QazAqparat – «ArselorMıttal Temirtaý» kenshiler ujymynyń 48%-y, metallýrgterdiń 69%-y KVI-ge qarsy ekpe aldy, dep habarlaıdy QazAqparat tilshisi.

Vaktsınatsııa naýqanynda temir keni departamenti («Órken» JShS) kóshbasshy boldy, bul kórsetkish qyzmetkerlerdiń jalpy sanynan vaktsına alǵandardyń 79%-yn quraıdy.

«Órken» JShS Lısakov fılıalynda qyzmetkerlerdiń 91%-dan astamy egildi.

Qosymsha bonýs retinde kompanııa basshylyǵy birinshi bolyp vaktsınatsııalanǵan barlyq bólim qyzmetkerlerin yntalandyrý jóninde sheshim qabyldady.

30 qyrkúıekke deıin vaktsınatsııanyń tolyq kýrsynan ótkender 10 myń teńge kóleminde syıaqy alady.

Sonymen qatar, jumysshylardyń 80%-dan astamy tolyq vaktsına alǵan brıgadalarǵa syılyqtar daıyndaldy.

45 adamǵa deıingi jóndeý aýysymynyń brıgadalary 300 myń teńge mólsherinde aqshalaı syıaqy alady.

Al quramynda 16 adamǵa deıin bolatyn tehnologııalyq aýysym brıgadalary – 150 myń teńge alady.

Esterińizge sala keteıik, «ArselorMıttal Temirtaý» kompanııasy vaktsınalaýdyń basynda óz kásiporyndarynyń densaýlyq saqtaý pýnkti bazasynda egý kabınetterin ashqan bolatyn.

Metallýrgter men kenshiler jumys oryndarynda alǵashqylardyń biri bolyp ekpe ala bastady.