Qaraǵandyda qantqa talas jalǵasyp jatyr

QARAǴANDY. QazAqparat - Qaraǵandy sýpermarketterinde satyp alýshylar qantty talap alyp jatyr. Qalalyq ákimdik bul jaǵdaıǵa baılanysty túsinikteme berdi, dep habarlaıdy QazAqparat tilshisi.

Qaladaǵy sýpermarketterdiń birinde satyp alýshylar qantqa talasyp, sórelerdiń tas-talqanyn shyǵaryp jatyr.

Vıdeo áleýmettik jelilerde jarııalandy. Qalalyq ákimdik jaǵdaıdy túsindirdi.

«Aıan» sýpermarketindegi dúrligýge qatysty áleýmettik jelilerdegi jarııalanymdarǵa oraı mynany habarlaımyz. Búgingi tańda logıstıkalyq baǵyttardyń ózgerýine baılanysty qalaǵa qant vagondaryn jetkizýde kidiris bolyp otyr. Sonyń saldarynan qalanyń saýda obektilerine qant tapshylyǵy týyndady. Al halyq tarapynan qantqa degen suranys barynsha artyp jatyr. Satyp alýshylardy kóbirek qamtý jáne birqatar saýda obektileriniń alypsatarlyq jasaýyna jol bermes úshin joǵary suranysqa ıe taýarlardy bir qolǵa berýge shekteý qoıý praktıkasy qoldanylady. Osyǵan baılanysty qala turǵyndaryn dúrbeleńge boı aldyrmaı, qajet bolmasa kóp mólsherde qant satyp almaýǵa shaqyramyz», - dep habarlady ákimdik.