Qaraǵandyda Kákimbek Salyqovty eske alý keshi ótedi
Keshke tanymal shyǵarmashylyq tulǵalar - aqyndar, mýzykanttar jáne ánshiler shaqyrylyp otyr. Qonaqtar qatarynda: Serik Ospanov, Qorabaı Esenov, Venera Bazarbaeva, Seıil Aıaǵanov, Jaǵypar Álimhanov, Sáken Álimhanov, Erbolat Mahanbet jáne «Kózkórgender» ardagerler ansambli bar.
Kákimbek Salyqov. K. Salyqov 1932 jyly 22 qańtarda Soltústik Qazaqstan oblysy, Shal aqyn aýdany, Eńbek aýylynda týǵan. 1955 jyly Máskeýdiń tústi metallýrgııa jáne altyn ınstıtýtyn bitirgen. Odan keıingi jyldary Jezqazǵan kenishinde ken masteri, ýchastke bastyǵy, K.I.Sátbaev atyndaǵy ken-metallýrgııa kombınaty partkomynyń hatshysy, Qazaqstan KP qalalyq komıtetiniń birinshi hatshysy, Jezqazǵan oblystyq partııa komıtetiniń ekinshi hatshysy qyzmetin atqarady. Al 1975 jyly KOKP Ortalyq Komıtetiniń apparatynda ınspektor bolyp qyzmet isteıdi. 1984 jyly Ózbekstan KP OK-niń bıýro múshesi, Qaraqalpaq AKSR oblystyq partııa komıtetiniń birinshi hatshysy, odan keıin Keńester Odaǵy Joǵarǵy Keńesiniń ekologııa komıtetiniń tóraǵasy, Joǵarǵy keńestiń Prezıdıým múshesi qyzmetterinde boldy. Alǵashqy óleńder jınaǵy 1977 jyly jaryq kórgen. Sol jyly «Jezkıik» atty jyr jınaǵy orys tiline aýdarylyp jarııalandy. 1981 jyly «Qyrǵyzstan» baspasy onyń «Nurly kúnder» kitabyn qyrǵyz tilinde, 1983 jyly Ǵafýr Ǵulam baspasy «Jezkıik» jınaǵyn ózbek tilinde shyǵardy. «Býketovke rekvıem», «Edelveıs», «Ǵasyrǵa teń bir mezet», «Che Gevara» atty poemalary orys tiline aýdaryldy. K. Salyqov - «Dala», «Qyrandar», «Gákký», «Jezkıik», «Eńlikgúl», «Táttimbet», «Dombyra», «Qaraqalpaq», «Kenesarynyń sońǵy sózi» sekildi kóptegen poemalardyń avtory. Sońǵy jyldary onyń «Oıtolǵaq» (2001), «Syrǵaly sonetter» (2001), «Kúzgi shýaq» (2004), «Kúzgi saryn» (2005), «Sensiń el danasy» (2006), «Álemniń segizinshi ǵalamaty» (2006), «Maǵjanǵa taǵzym» (2008) kitaptary jaryq kórdi. V.V.Maıakovskııdiń «V.I.Lenın» poemasyn, A.S.Pýshkınniń óleńmen jazylǵan «Evgenıı Onegın» romanyn, M.ıÝ.Lermontovtyń, ıÝ. P. Polonskııdiń, R. Ǵamzatovtyń, Aldan-Semenovtyń, S.Norovchatovtyń, V.Savelevtiń, ıA.Kolastyń, M.Lvovtyń, mońǵol jáne ózbek aqyndarynyń óleńderin qazaq tiline aýdardy. B.Jumanııazov, N.Tilendıev, Á.Beıseýov, E.Hasanǵalıev sııaqty kompozıtorlar aqynnyń kóptegen óleńderine án shyǵardy.
Qazaq KSR Joǵarǵy Keńesine úsh márte (IX, X, XI) depýtat bolyp saılanǵan. Lenın ordenimen, eki ret Eńbek Qyzyl Tý ordenimen, «Parasat» jáne Halyqtar Dostyǵy ordenderimen, kóptegen medaldarmen marapattalǵan.
Lenın ordenimen, eki ret Eńbek Qyzyl Tý ordenimen, «Parasat» jáne Halyqtar Dostyǵy ordenderimen, kóptegen medaldarmen marapattalǵan.
Kórnekti aqyn 2013 jyly 82 jasqa qaraǵan shaǵynda ómirden ozdy.
