Qaraǵandyda eki kólik soqtyǵysyp, júrgizýshiniń biri mert boldy

QARAǴANDY. QazAqparat – Búgin «Qaraǵandy-Temirtaý» tasjolynda eki kólik soqtyǵysty. Saldarynan jeńil kólikterdiń biriniń 27 jastaǵy júrgizýshisi qaza taýyp, 4 adam aýrýhanaǵa jetkizildi, dep habarlaıdy QazAqparat tilshisi.

Qaıǵyly oqıǵa búgin saǵat 11:45 shamasynda «Temirtaý-Qaraǵandy» avtojolynda boldy. «Búrkit» kafesiniń mańynda «Toıota Estıma» men «Opel» kóligi soqtyǵysqan.

«Jol-kólik oqıǵasy saldarynan «Opel» avtokóliginiń 27 jastaǵy júrgizýshisi oqıǵa ornynda mert boldy. «Toıota Estıma» avtokóliginiń júrgizýshisi jáne onyń jolaýshylary, sondaı-aq «Opel» avtokóliginiń jolaýshysy medıtsınalyq mekemege jetkizildi. Atalmysh derek polıtsııada tirkeldi jáne tıisti saraptamalar taǵaıyndaldy, olardyń nátıjeleri boıynsha protsessýaldy sheshim qabyldanady», - dep habarlady Qaraǵandy oblysy Polıtsııa departamentiniń baspasóz qyzmeti.

Dárigerler atalmysh jol apaty kezinde zardap shekkenderdiń jaǵdaıyna qatysty kelesideı aqparat berdi.

«Zardap shekken tórt adam, olardyń ekeýi Maqajanov klınıkasyna jatqyzyldy. Qalǵan eki aýyr jaraqat alǵan naýqas medıtsınalyq ýnıversıtettiń klınıkasyna jetkizildi», - dep túsindirdi Qaraǵandy oblysy Densaýlyq saqtaý basqarmasynyń baspasóz qyzmeti.

Vıdeodan alynǵan kadr