Qaraǵandyda azamattyq qoǵamdy damytýdyń jańa úlgileri talqylandy
Kezdesýge QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraıymy Álııa Ǵalymova, Qaraǵandy oblysy ákiminiń orynbasary Abzal Núkenov, ulttyq qoǵamdyq senim keńesiniń músheleri, ÚEU ókilderi, ǵalymdar, jýrnalıster men blogerler qatysty.
Kezdesýdiń moderatory Qoǵamdyq senim ulttyq keńesiniń múshesi, Eýrazııalyq ıntegratsııa ınstıtýtynyń dırektory Erlan Saırov boldy.
Álııa Ǵalymova azamattyq qoǵamdy damytýdaǵy jáne «halyq únine qulaq asatyn memleket» tujyrymyn júzege asyrýdaǵy Ulttyq keńestiń róli týraly aıtty. Onyń pikirinshe, eldegi qazirgi zamanǵy úderister qoǵam damýynyń turaqty úlgilerin izdestirýdi talap etedi. Bul rette olardy azamattyq bastamalardy eskermeı qurý múmkin emes.
Qaraǵandy oblysy ákiminiń orynbasary Abzal Núkenov álemdik tarıh elderge joǵary básekege qabilettilikke qol jetkizýge múmkindik bergen sátti jańǵyrtýlardyń kóptegen mysaldaryn biletinin atap ótti. Osyǵan baılanysty damýdyń naqty basymdyqtary men tetikterin aıqyndaý mańyzdy. Abzal Núkenovtyń pikirinshe, qazirgi kezeńde Qazaqstandy jańǵyrtý úderisi jahandyq áleýmettik-ekonomıkalyq, aqparattyq transformatsııa jaǵdaıynda júrip jatyr. Osyǵan baılanysty qoıylǵan mindetterdi sheshý úshin qoǵamdy jumyldyrý óte mańyzdy.
Álııa Ǵalymova «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» zań jobasynyń erekshelikterin túsindirdi. Onda osy zańdy retteıtin jınalystardyń túrleri men nysandary naqty jazylady. Beıbit jınalystar ótkizý ótinimderiniń habarlama (250 adamǵa deıin qatysýshylar sanymen) jáne reglamenttelgen (250 adamnan astam) tártibi engiziledi. Barlyq qatysýshylardyń quqyqtary men ókilettikteri anyqtaldy. Jergilikti ókildi organdar árbir eldi mekende beıbit jınalystar ótkizý múmkin bolatyn arnaıy oryndardy (shetki jerlerde emes) aıqyndaıtyn bolady. Sondaı-aq zańda alǵash ret jýrnalısterdiń quqyqtary men mindetteri jazylǵan, olardyń mıtıng ornynda bolýǵa jáne óz jabdyqtaryn paıdalanýǵa quqyǵy bar.
«Búgin biz osy zań jobasyn talqylaý úshin jınalyp otyrmyz. Munda aıtylǵan barlyq usynystar taldanyp, eskeriletin bolady», - dedi Álııa Ǵalymova.
Eýrazııalyq ıntegratsııa ınstıtýtynyń dırektory Erlan Saırov qazirgi kezeńde memleket pen qoǵam arasyndaǵy dıalogty qurýdyń, qazaqstandyqtardyń sana-sezimin arttyrýdyń jáne eldiń halyqaralyq ımıdjin qalyptastyrýdaǵy árbir jeke azamattyń rólin atap ótti.
«Búgin biz jańa qoǵamdyq-saıası bolmysta ómir súremiz. Halyq únine qulaq asatyn memleket tujyrymdamasy jarııalandy, eldegi saıası ómirdi yryqtandyrý máselesi qoıyldy, jyldyń sońyna deıin kóptegen mańyzdy zańdar ózgeriske ushyraıdy. Sonymen qatar memleket pen qoǵam ekonomıkalyq teńsizdik máselelerin birlesip sheshý, áleýmettik shyǵý tegi bar aýrýlardyń alǵysharttaryn joıý kerek», - dedi ol.
El prezıdenti Qasym-Jomart Toqaev azamattar men bılik arasyndaǵy dıalogtyń jańa formatyna erekshe kóńil bóledi. Onyń bastamasymen qurylǵan ulttyq qoǵamdyq senim keńesi qoǵamdyq protsester salasynda jańa ıdeıalardy ázirleýdiń tıimdi alańyna aınaldy.
