Qaraǵandyda ártister áskerılerge maska taratyp berdi

QARAǴANDY. QazAqparat – Qalı Baıjanov atyndaǵy Qaraǵandy kontserttik birlestik ujymy qaıyrymdylyq aktsııasyn ótkizdi, dep habarlaıdy QazAqparat tilshisi.

Óńir turǵyndarymen karantındik sharalardyń saqtaýyn qadaǵalaýǵa jaýapty áskerı qyzmetshilerge maskalar jáne antıseptıkter berdi.

Birlestik jetekshisi Talǵat Ydyrysov pandemııamen kúreste aldyńǵy shepte turǵan áskerılerge olardyń eńbegi úshin alǵys bildirdi.

«Osyndaı qıyn kezeńde biz shette qalyp qoıa almadyq, bizdiń kontserttik birlestik ujymy da «Biz birgemiz!» aktsııasyna qatysý týraly sheshim qabyldady. Ulttyq gvardııanyń áskerı qyzmetshilerine taratý úshin óz qarajatymyzǵa 400 maska jáne 400 antıseptık satyp aldyq», - dedi Talǵat Ydyrysov.