Qaraǵandyda alaıaq áıel sheteldik azamattardy 7 mıllıon teńgege aldaǵan

QARAǴANDY. QazAqparat – Qaraǵandyda Ázirbaıjan azamatshasy sybaılas jemqorlyqqa qarsy kúres qyzmetiniń ókili retinde tanysyp, sheteldikterdi aldaǵany belgili boldy. Ol Qazaqstanda turýǵa yhtııarhat rásimdep beremin dep aldaý arqyly, 7mıllıon teńgeden astam qarajatty qoldy qyldy, dep habarlaıdy QazAqparat tilshisi.

Qaraǵandy qalasynyń Qazybek bı aýdandyq sotynda Ázirbaıjannyń 34 jastaǵy azamatyna úkim shyǵaryldy, ol jábirlenýshilerge belgili bir somada qarajat tólese, Chehııa men Qazaqstan azamattyǵyn alyp berýge ýáde bergen.

Alaıaqqa QR QK-niń eki baby boıynsha aıyp taǵyldy: 190-baptyń 3-bóliginiń 1, 4-tarmaqtary «iri mólsherde birneshe ret jasalǵan alaıaqtyq» jáne 390-baptyń 3-bóligi «Bılik ókilettikterin alý maqsatynda Qazaqstan Respýblıkasynyń Konstıtýtsııasynda belgilengen laýazymdy atqaratyn laýazymdy adamnyń ataǵyn óz betimen ıemdenip alý».

Aıta ketý kerek, áıel osyǵan deıin de uqsas zańsyz áreketteri úshin qylmystyq jaýapkershilikke tartylǵan. Ol 2020 jyldyń sáýirinde bosatylǵan.

Іs materıalynan belgili bolǵandaı, ótken jyldyń mamyr aıynda sottalýshy áleýmettik jeliler arqyly jábirlenýshi M.-men kezdesip, áńgimelesý barysynda ol ózin sybaılas jemqorlyqqa qarsy qyzmettiń kapıtany retinde tanystyrǵan jáne aqshalaı syıaqy tólese, Chehııa, Qazaqstan azamattyǵyn jáne basqa qujattardy resimdeýge kómektesýge ýáde bergen. Buǵan qosa jábirlenýshi onyń quqyq qorǵaý organdarynyń kıiminde túsken fotosyna qarap, senim bildirgenin jetkizgen. Ol alaıaq áıelge otbasynyń barlyq múshelerine Chehııa azamattyǵyn resimdeý úshin 2,9 mıllıon teńge berdi. Sonymen qatar aıyptalýshy taǵy úsh sheteldikti aldaǵany anyqtalǵan. Alaıaq olarǵa Qazaqstanda turýǵa yqtııarhat resimdeýge kómektesýge ýáde bergen. Qaskúnem áıeldiń keltirgen zalalynyń jalpy somasy 7 mıllıon teńgeden asady.

Aıyptalýshy óz kinásin moıyndap, jábirlenýshilerge keltirilgen zalaldy tolyq ótegen. Alaıda sot buryńǵy qylmystaryn eskerip, ony 3.9 jylǵa bas bostandyǵynan aıyrdy.