Qaraǵandy turǵynynan aktsızdik markalary joq jarty mıllıon qorap temeki tabyldy

ASTANA. QazAqparat - Qaraǵandy turǵynynan aktsızdik markalary joq jarty mıllıonǵa jýyq qorap temeki tabyldy, dep habarlaıdy Qarjylyq monıtorıng agenttiginiń baspasóz qyzmeti.

Agenttiktiń oblystyq departamentiniń qyzmetkerleri kóleńkeli ekonomıka salasynda jedel-izdestirý is-sharalaryn júrgizip, onyń barysynda qala turǵynynyń zańsyz kásipkerlik qyzmeti áshkerelendi.

Qoımalardy tintý kezinde jalpy somasy 432 myńnan astam qorapty quraıtyn ártúrli markaly jáne ataýdaǵy temeki ónimderi tabylyp, tárkilendi.

Mamandardyń qorytyndysyna sáıkes, esepke alynbaǵan tárkilengen temeki ónimderiniń jalpy quny 280 mıllıon teńgeden asady.

Sotqa deıingi tergeý bastalyp, jedel-izdestirý sharalary júrgizilýde.