Qaraǵandy oblysynyń sý aıdyndaryna 400 myńnan astam shabaq jiberildi

QARAǴANDY. QazAqparat – Qaraǵandy óńiriniń alty sý aıdynyna bıyl 416 myń shabaq pen balyq shyǵaryldy. Kólderdi balyqpen tolyqtyrý jumystaryna tapsyrys berýshi Tabıǵı resýrstar jáne tabıǵatty paıdalanýdy retteý basqarmasy boldy, dep habarlaıdy QazAqparat tilshisi.

Qaraǵandy Fedorov sý qoımasy 166 myń jas tuqy jáne sazanmen tolyqtyryldy. Buqar Jyraý aýdanyndaǵy Solenoe kóline 97 500 tuqy balyǵy shyǵaryldy. Balyqpen tolyqtyrý sý obektileriniń bıologııalyq qoryn kúsheıtý úshin qajet.

«Biz shabaqtardy ıesiz sý qoımalaryna jiberemiz. Bul jumysty biz jyl saıyn júrgizemiz. 2021 jyly 100 myń balyq shyǵaryldy. Shabaqtar qalaı jersinip, úırenetinin mindetti túrde zertteımiz», – deıdi Tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Baqtııar Sanbaev.

Jas balyqtardy sý qoımalaryna Qaraǵandy balyq tálimbaǵy shyǵarady. Kásiporynnyń bas dırektory Denıs Mýshtakovtyń aıtýynsha, tuqy balyq aýlaý úshin arnaıy tańdalǵan.

Balyq tez ósip, kóbeıedi. Eki jyldan keıin áýesqoı balyqshylar jarty kelilik tuqy aýlaı alady.

Qaraǵandy oblysynda 202 sý aıdyny bar, olardyń 60%-da ıeleri bar. Jyl saıyn óńirde kásipkerlerdiń qaraýyna ıesiz sý qoımalaryn berý boıynsha aýktsıondar ótkiziledi.