Qaraǵandy oblysynyń mektepterinde aqparattyq saýattylyq aptalyǵy ótip jatyr
QARAǴANDY. QazAqparat – Qaraǵandy oblysynda 1-aqpan kúni barlyq mektepterde aqparattyq saýattylyq aptalyǵy ótip jatyr, dep habarlaıdy QazAqparat.
Baǵdarlamada synyp saǵattary, shyǵarmashylyq jumystar, robot qurastyrý jáne baǵdarlamalaýdan sabaqtar uıymdastyrylady, baǵdarlamalaýdan olımpıada ótedi. Sondaı-aq aptalyq aıasynda oqýshylardyń tanymal blogerlermen onlaın kezdesýleri de josparlanǵan.
Osylaısha, uıymdastyrýshylar balalardyń ınformatıkaǵa degen qyzyǵýshylyǵyn arttyrǵysy keledi. Oqýshylarǵa kúndelikti ómirde aqparattyq tehnologııalardy qoldaný jáne áleýmettik jelidegi minez-qulyq erejeleri týraly aıtylady.
Qańtar aıynan bastap Qaraǵandy oblysynda fýnktsıonaldyq saýattylyqty damytý boıynsha joba jumys isteıdi. Jýyrda óńirde oqý jáne matematıkalyq saýattylyq aptalary ótti. 1-6 aqpan aralyǵynda «Tsıfrlyq álem» aqparattyq saýattylyq aptalyǵy ótedi.
Saýattylyq aptalyǵy kelesi keste boıynsha ótedi:
- quqyqtyq - 8-13 aqpan;
- fızıkalyq - 15-20 aqpan;
- qarjylyq - 22-27 aqpan;
- oqyrman - 1-6 naýryz;
- jaratylystaný-ǵylymı - 9-13 naýryz;
- tildik - 12-17 sáýir;
- ekologııalyq - 19-24 sáýir.
Uıymdastyrýshylar - Qaraǵandy oblysynyń bilim basqarmasy, Qaraǵandy oblysynyń bilim berýdi damytý oqý-ádistemelik ortalyǵy.
