Qaraǵandy oblysynyń fermerlerine jem-shóp qunyn arzandatý úshin sýbsıdııa bólindi

QARAǴANDY. QazAqparat – Qaraǵandy oblysynda fermerlerge qosymsha qoldaý kórsetý týraly sheshim qabyldandy. Olardyń jem-shóp daıyndaýǵa jumsaǵan shyǵyndary sýbsıdııalanady, dep habarlaıdy QazAqparat tilshisi.

Bul týraly aımaq basshysy Jeńis Qasymbek óziniń Facebook paraqshasynda habarlady.

«Qýańshylyq jazǵa baılanysty onyń saldaryn joıý úshin malǵa jem-shóp daıyndaý maqsatynda óńir fermerleri birneshe ret ákimdikke júginip, memlekettik qoldaý kórsetýdi ótingen bolatyn.

Oblys ákimdigi oblystyq máslıhat depýtattarynyń qoldaýymen aýyl sharýashylyǵynyń

urǵashy maldaryna jumsalatyn azyq qunyn arzandatýǵa sýbsıdııa bólý týraly sheshim

qabyldady», - dep jazdy aımaq basshysy.

Sýbsıdııalar jaıylymy shóldi tabıǵı aımaqta ornalasqan aýyl sharýashylyǵy taýaryn

óndirýshilerge arnalǵan. Bular - Ulytaý, Shet, Jańaarqa jáne Aqtoǵaı aýdandarynyń sharýashylyqtary.

Sýbsıdııalardy tóleý qazan aıynan bastalady. Oǵan oblystyq bıýdjetten qarajat bólindi.