Qaraǵandy oblysynda jumysyn toqtatqan zaýyt qaıta iske qosylatyn boldy
Shaǵym aıtýshylar qatarynda Shahan turǵyndary da bar. Olar Jeńis Qasymbekten polıtsııa bastyǵyn taǵaıyndaýdy surady, sebebi osyǵan deıin basshylar únemi ózgerip otyrǵan. Kenttiń bas polıtseıi taǵaıyndaldy – másele sheshildi. Sondaı-aq, shahandyqtardyń ótinishi boıynsha temir-beton buıymdaryn shyǵaratyn zaýyt qalpyna keltirilýde, onda jumys oryndary qurylyp, balalarǵa arnalǵan shaǵyn ortalyq ashýǵa ýáde bergen ınvestor tabyldy.
Bul máseleler, jáne de olardyń sheshimderi sekildi, Qaraǵandy oblysynyń ákimi Jeńis Qasymbektiń aı saıyn azamattardy onlaın-qabyldaý ótkizýiniń arqasynda múmkin boldy. Kezdesýlerde óńir turǵyndary jeke máselelermen qatar, qoǵamdyq mańyzy bar jaıttarmen de júginedi. Tikeleı ózara árekettesý ártúrli jaǵdaılardy jaqsartýǵa kómektesedi.
Turǵyndar tikeleı suraq qoıa alýy úshin Qaraǵandy oblysynyń qalalary men aýdandarynyń basshylary áleýmettik jelilerde turaqty negizde «Ákim saǵaty» tikeleı efırlerin ótkizedi jáne kelip túsken barlyq ótinishterge jaýap beredi.
Olardyń arasynda TKSh jáne abattandyrý, eńbek jáne jumyspen qamtý máseleleri basym. Kóptegen ótinishter kásipkerlikpen, densaýlyq saqtaýmen, áleýmettik qamtamasyz etýmen baılanysty. Top-suraqtar qataryna turǵyn úı jáne jer máseleleri kirip otyr.
Osy nemese basqa máseler boıynsha shaǵymdanýǵa bolatyn saıttar arasynda tek áleýmettik jeliler ǵana emes, sonymen birge oblystyń barlyq kommýnaldyq kásiporyndaryn biriktiretin jáne qala turǵyndarymen baılanysatyn, táýlik boıy jumys isteıtin biryńǵaı Senim109 úılestirý ortalyǵy da bar. 109 qysqa nómirine (qalalyq jáne uıaly telefondardan qońyraý shalý tegin) qońyraý shalý arqyly, senim109.kz portaly arqyly qyzmetke júginýge bolady nemese WhatsApp - 8-701-7-109-109, Telegram-bot - senim109kz_bot arqyly jazýǵa bolady. Qyzmet paraqshalary áleýmettik jelilerde de bar.
Bul qurylym 2019 jyly el Prezıdenti Qasym-Jomart Toqaevtyń tapsyrmasyn oryndaý maqsatynda qurylǵan. Maqsat - halyqpen aradaǵy baılanysty jaqsartý.
