Qaraǵandy oblysynda jalǵan bılet satýshy ustaldy

ASTANA. KAZINFORM – Qaraǵandy oblysy Shahtınsk qalasynyń polıtsııasyna jergilikti turǵyn alaıaqtyq qurbany bolǵany týraly habarlady. Áıel adam aldyn ala jalpy quny 240 myń teńge bolatyn tórt áýe bıletin satyp alǵan. Bul týraly Polisia.kz málim etti.  

Alaıda, áýejaıda tirkelý kezinde eki bılettiń satyp alý kúshi joıylǵany anyqtaldy. Saıahattyń buzylýyna baılanysty moraldyq shyǵynnan basqa, materıaldyq shyǵyn 140 myń teńge bolǵan. 

Júrgizilgen tergeý is-sharalary 53 jastaǵy kúdiktini anyqtaýǵa jáne ustaýǵa múmkindik berdi. Bılet satýshy jasaǵan isin moıyndady.

Tergeý barysynda polıtsııa qyzmetkerleri osyndaı jaǵdaıǵa tap bolǵan taǵy 16 jábirlenýshini anyqtady. Olardyń da sol satýshydan satyp alynǵan temirjol bıletteriniń kúshi joıylǵan.

Tergeý anyqtaǵandaı, jábirlenýshilerge keltirilgen jalpy shyǵyn 2 mıllıon teńgeden asady.

Qazirgi ýaqytta tergeý aıaqtalyp, qylmystyq is materıaldary sotqa jiberýge daıyndalyp jatyr.

Aıta ketsek, Saýda jáne ıntegratsııa mınıstrliginiń Tehnıkalyq retteý jáne metrologııa komıteti alaıaqtardyń KTRM qyzmetkerleri retinde ózderin tanystyryp, sonyń ishinde tehnıkalyq retteý boıynsha «E-KTRM» aqparattyq júıesimen jumys isteýge kómek kórsetý týraly jalǵan aqparat taratý jaǵdaılarynyń jıilegenin habarlady.