Qaraǵandy oblysynda sý tasqynyn ǵaryshtan baqylaý júıesi engizildi
«Qaraǵandy oblysy ákiminiń sý tasqynyn keshendi tekserý úshin ǵaryshtyq baqylaý deregin qoldaný tapsyrmasy boıynsha, tótenshe jaǵdaılar departamenti men «Qazaqstan Ǵarysh Sapary» aktsıonerlik qoǵamy arasynda qyzmet kórsetý boıynsha kelisimshart jasalǵanyn habarlaımyn», - dep málimdedi Qaraǵandy oblystyq TJ departamentiniń basshysy Ibragım Kúlshimbaev.
Kompanııa Jerdi ǵaryshtan baqylaý deregin qutqarýshylarǵa berip, sý tasqynynyń kórinisin naqty sıpattaýǵa múmkindik beredi.
«Jasalǵan kelisimshart aıasynda, 1 naýryzdan bastap kompanııa mamandary táýligine eki ret qardyń túsýi, ózen sýynyń aǵysy jáne oblys aýmaǵyndaǵy sýdyń tasqyny týraly ǵaryshtan túsirilgen sýretterdi bere bastady, - dedi Ibragım Kúlshimbaev. - jalpy alǵanda, sý tasqynyna qarsy is-sharalardy júrgizý jumystary basty nazarǵa alynǵan. 6 naýryzdan 6 sáýirge deıin eldi mekenderdi sý tasqyny kezeńine daıyndaý aıy dep jarııalaýdy usynamyn.
Jedel qyzmettiń sý tasqyny kezeńinde tótenshe jaǵdaıdy joıýǵa ázirligi 9-10 naýryz aralyǵynda ótetin «Kóktem 2017» respýblıkalyq toptyq-shtabtyq oqý-jattyǵýy barysynda tekseriledi.
