Qaraǵandy oblysynda shaǵyn qalalardy damytý jalǵasady

QARAǴANDY. QazAqparat – Qazaqstan Prezıdenti monoqalalardy damytý týraly aıta kele, olardyń árqaısysynyń ózindik damý bolashaǵy bar ekenin atap ótti. Qaraǵandy oblysynda mundaı segiz qala bar. Olardyń qandaı baǵytta damıtyny týraly óńir basshysy Jeńis Qasymbek onlaın-rejımde ótken apparattyq keńeste aıtty, dep habarlaıdy QazAqparat tilshisi.

Turaqty áleýmettik-ekonomıkalyq damý úshin ártaraptandyrý boıynsha birqatar is-sharalar ótkizý josparlanýda. Ár kásiporyn úshin korporatıvtik utqyrlyq josparlary jasalady. Qyzmetkerler fılıaldarda jumys isteı alady, sondaı-aq qosymsha daǵdylardy meńgeredi. Zákirlik jobalardy ulǵaıtýǵa, shaǵyn jáne orta bızneske, óndiristiń balamaly túrlerin damytýǵa basa nazar aýdarylatyn bolady.

«Monoqalalarda shaǵyn jáne orta bıznestiń 5% jeńildikpen qarjylandyrylýy qala quraýshy kásiporyndarǵa táýelsiz kásipkerliktiń jańa salalaryn ashýǵa múmkindik beredi», – dep atap ótti oblys ákimi.

Shaǵyn qalalardy damytýdyń taǵy bir mańyzdy faktory – kólikke qol jetimdilik, oǵan erekshe nazar aýdarylady. Jezqazǵan – Qyzylorda jolyn qaıta jańartý bastalady – Nur-Sultan – Almaty jolyn jańǵyrtý jáne týrızmdi odan ári damytý aıaqtalǵannan keıin Balqash qalasynyń áleýeti artady.

Áleýmettik-ekonomıkalyq damýdyń keshendi josparlary sátti oryndaldy. Bul baǵyttaǵy jumystar jalǵastyrylyp, barlyq monoqalalardy qamtıtyn bolady.

Aýanyń lastaný problemasy birinshi orynǵa qoıylady. 2024 jylǵa deıin ekologııalyq problemalardy keshendi sheshý jónindegi jol kartasy bekitildi.