Qaraǵandy oblysynda balalardyń tegin sport sektsııalaryna 2 mlrd teńgeden bólindi
«Men kópbalaly anamyn. Nurdáýlet pen Aızerden basqa meniń taǵy eki balam bar. Buryn úlkenderim júzýmen aqyly sektsııada aınalysqan. Ár bala úshin aıyna 17 myń teńgeden. Árıne, bul otbasylyq bıýdjetimizge áser etetin. Jan basyna shaqqandaǵy qarjylandyrý baǵdarlamasy bizge aqsha únemdeýge kómektesti. Balalar qýana basseınge barady. Olarǵa jattyqtyrýshylar da, basseınniń ózi de unaıdy», – dedi balalardyń anasy Asyljan Telgúzınova.
Sondaı-aq klýbta jas qaraǵandylyqtar hokkeı, dzıýdo jáne bımen tegin aınalysa alady. Artsport baǵdarlamasy engizilgenge deıin barlyq sektsııalarda barlyǵy 170-ke jýyq adam bolǵan. Memlekettik qarjylandyrýdan keıin «Sportıkada» tek júzýmen 527 bala aınalysady.
«Qazir bizde júzýmen 527 adam, hokkeımen – 271, bıde – 15, dzıýdoda – 17 adam tegin aınalysady. Bizdiń hokkeıshiler jaqsy nátıje kórsetýde. Olar Qazaqstan chempıonattarynyń júldegerleri. Sondaı-aq tegin negizde basshylyqtyń bastamasymen bizde on erekshe bala oqytylady» – deıdi fıtnes-klýb ákimshisi ıÝlııa Ýlıanova.
Oqýshylar arasynda shahmat oıyny da tanymal. Joǵary ıntellektýaldy oıynǵa Artsport baǵdarlamasy boıynsha, sondaı-aq aqyly negizde Baýyrjan Qasymov shahmat akademııasynda oqytylady. Buryn mekteptiń úsh fılıalynda 200 adam oqyǵan.
– Biz Artsport boıynsha jumys isteı bastaǵannan keıin oqýshylar sany myńnan asty. Bul baǵdarlama paıda bolǵanǵa deıin kóptegen adamdar eshqandaı bólimder men úıirmelerge qatysqan joq, óıtkeni olardyń ata-analary sabaq úshin aqy tóleı almady.
Búgingi tańda 500–700-ge jýyq adam óz kezegin kútýde, – dep atap ótti shahmat akademııasynyń bas bapkeri jáne negizin qalaýshy Baýyrjan Qasymov. – Búgingi tańda bizde 5 myńnan astam adam oqýdan ótti. Bes jyl qatarynan akademııa Qaraǵandy oblysynyń eń myqty mektebi bolyp tabylady.
Bizdiń tárbıelenýshilerimiz – respýblıkalyq, halyqaralyq jarystardyń jeńimpazdary men júldegerleri, Álem chempıonattarynyń qatysýshylary. Baǵdarlamanyń damýymen biz Suryptaý, Prıshahtınsk jáne seriktes qalalarda fılıaldar ashýdy josparlap otyrmyz.
Balalar fýtboldy da óte jaqsy kóredi. Qaraǵandyda osy sport túrimen aınalysý úshin «Amanat» fýtbol mektebi jumys isteıdi.
– Barlyǵy sııaqty, biz aldymen aqyly negizde jumys istedik, ol kezde balalar az boldy. Topta barlyǵy 10 adamǵa deıin ǵana bolatyn. Bes jattyqtyrýshy jumys istedi, – deıdi fýtbol mektebiniń jetekshisi Andreı Mıronov. – Jan basyna qarjylandyrý baǵdarlamasyn engizýmen balalar men jattyqtyrýshylar sany artty. Qazir bizde vaýcherler boıynsha 13 topta 220 adam tegin jattyǵýda. Sondaı-aq, 20-ǵa jýyq bala bizdiń mekteptiń bastamasy boıynsha tegin negizde aınalysady, olardyń 10-y kópbalaly otbasylardan.
Qaraǵandy oblysynda bıyl tegin sport sektsııalaryn qarjylandyrýǵa 2 mıllıard 164 mıllıon teńge bólindi. Óńirde Qaraǵandy, Temirtaý, Balqash, Qarqaraly, Shahtınsk, Saran, Buqar jyraý, Osakarov, Abaı jáne Shet aýdandarynan 48 sport qyzmetin usynýshylar jumyldyryldy.
Foto: gov.kz
