Qaraǵandy oblysynda alǵash ret polıtsııa ofıtserleriniń baly ótti

QARAǴANDY. QazAqparat - Qaraǵandy oblysynda alǵashqy polıtsııa ofıtserleriniń baly ótti. Bı keshi Jezqazǵan qalasynda uıymdastyryldy. Oqıǵa Jastar jylyna oraılastyryldy, dep habarlaıdy QazAqparat tilshisi.

Jas leıtenanttar bul keshte polıtseıdiń jumysy tek tártip pen túzetý ǵana emes, sonymen qatar ásemdikpen de sabaqtasa alatynyn kórsetti.

Qyzmetkerler arasynan 24 jup anyqtaldy. Olar bir jarym aı balǵa daıyndalyp, mamandardyń jetekshiligimen bı qozǵalystaryn úırendi. Parketke saltanatty túrde kavalerler shyqty, al hanymdar qyzmettik kıim-keshekterin keshki kóılekterge aýystyrdy. Jas ofıtserler Shopen, Bah jáne Motsarttyń mýzykasyna vals bılep, polonez jáne mazýrkany oryndady.

«Munda polkovnıkter, ofıtserler, ishki ister organdarynyń ardagerleri bar. Meniń oıymsha, mundaı is-shara polıtseıdiń ımıdjin arttyrýǵa yqpal etedi. Biz ofıtserlik baldy jaqsy dástúrge aınaldyrǵymyz keledi», - dedi Qaraǵandy oblysy polıtsııa departamenti Kadr saıasaty basqarmasy bastyǵynyń orynbasary Rınat Súttibaev.

Sondaı-aq, polıtsııada patrıottyq ánder shyrqaldy. «Ulytaý juldyzdary» barabanshylar toby óner kórsetti. «Şelkýnchık» baletiniń qoıylymyn Jezqazǵan óner mektebiniń tárbıelenýshileri usyndy.