Qaraǵandy oblysynda 55 mektepke úshtildilik engizildi
Bul mektepterde jaratylystaný-matematıka baǵyty boıynsha aǵylshyn tilinde bilim berilip jatyr. Ustaz kásibı damytý ortalyǵy mamandarynyń pedagogtar úshin bilim berý semınarlaryn ótkizip jatqandyǵyn Oblystyq bilim berý basqarmasynyń baspasóz qyzmeti habarlaǵan.
Oqý-ádistemelik damytý ortalyǵy dırektorynyń orynbasary Baqytgúl Ábdikerova atap ótkendeı, aımaqtaǵy úshtildi oqytýdy sapaly júrgizý maqsatynda «Nazarbaev zııatkerlik mektepteri» AQ-nyń resýrstary men múmkindikteri paıdalanylýda, olardyń ókilderi sońǵy eki jylda muǵalimderge arnalǵan trenıngter ótkizýde.
«2017 jyly oblysta úshtildilikti júrgizip jatqan mektepter sany 55-ke jetti, - dep atap ótti Baqytgúl Ábdikerova. - Olardyń ishinde on mektep 2017-2018 oqý jylynan bastap fızıka, bıologııa, hımııa jáne ınformatıka pánderin aǵylshyn tilinde oqytyp jatyr. Bul muǵalimder jalaqyǵa qosymsha aqy alatyn bolady».
