Qaraǵandy oblysynda 12 sáýirden bastap shekteý sharalary kúsheıtiledi
Tyıymdar men shekteýler týraly oblystyń bas memlekettik sanıtarlyq dárigeri ıÝrıı Zalygın Óńirlik kommýnıkatsııalar qyzmeti alańynda tikeleı efırde ótken brıfıngte málim etti.
Oblys boıynsha kelesi nysandardyń qyzmetine tyıym salynady:
Qaraǵandyda Ashyq pılottyq jobasy iske asyrylatyn nysandardy qospaǵanda, oıyn-saýyq mekemeleri (karaoke, kompıýterlik klýbtar, túngi jáne oıyn klýbtary, bılıard, boýlıng ortalyqtary);
býkmekerlik keńseler;
jabyq úı-jaılardaǵy oıyn alańdaryn, attraktsıondardy qosa alǵanda, balalardyń oıyn-saýyq ortalyqtary;
banket zaldarynyń;
teatrlar men kınoteatrlar, kontsert zaldary, tsırk;
mádenıet úıleri men mádenıet saraılary, sondaı-aq olardaǵy daıyndyqtar (bul rette kitaphanalar men murajaılarda jumys isteýge ruqsat etilgen, alaıda kelýshiler sany 30 adamnan aspaýy tıis);
jalpy bilim beretin mektepterde ornalasqan sektsııalar, úıirmeler.
Sabaqtan tys ýaqytta oqýshylarmen jeke sabaqtar ótkizýge ruqsat etilmeıdi. Oqýshylardy SOVID-19 boıynsha jaǵdaıy nashar óńirler men elderge halyqaralyq jarystar men olımpıadalarǵa shyǵarýǵa bolmaıdy. Ekskýrsııalarǵa tyıym salynǵan.
Oıyn-saýyq jáne buqaralyq is-sharalarǵa, forýmdarǵa, konferentsııalarǵa, kórmelerge, jármeńkelerge jáne t. b. tyıym áli de jalǵasýda.
Senbi jáne jeksenbi kúnderi kelesi baǵyttar boıynsha jolaýshylar tasymalyna ruqsat etilmeıdi: Qaraǵandy – Temirtaý – Qaraǵandy; Qaraǵandy – Saran – Qaraǵandy; Qaraǵandy – Shahtınsk – Qaraǵandy; Qaraǵandy – Abaı – Qaraǵandy; Qaraǵandy – Shahan – Qaraǵandy; Qaraǵandy – Topar – Qaraǵandy.
Elimizdiń basqa óńirlerine jáne oblys ishinde turaqty emes týrıstik tasymaldarǵa tolyq tyıym salynady.
Jattyǵý zaldary men fıtnes-ortalyqtarǵa, basseınderge, sulýlyq salondaryna barý úshin aldyn ala jazylý qajet.
Senbi jáne jeksenbi kúnderi oblys boıynsha kelesi nysandar jabyq bolady:
saýda úıleri, saýda-oıyn-saýyq ortalyqtary, kóterme-taratý ortalyqtary, aýdany 2000 sharshy metrden astam azyq-túlik emes taýarlary bar dúkender (azyq-túlik sýpermarketterin, azyq-túlik pavılondaryn jáne olardaǵy dárihanalardy, sulýlyq salondaryn, hımııalyq tazartqyshtardy qospaǵanda);
fıtnes-ortalyqtar, sporttyq-saýyqtyrý ortalyqtary, trenajer zaldary, sport keshenderi;
saýnalar, basseınder, SPA-ortalyqtar, massaj salondary (Qaraǵandyda Ashyg pılottyq jobasy iske asyrylatyn nysandardy qospaǵanda);
jabyq bazarlar (azyq-túlik jáne azyq-túlik emes).
Ashyq aýadaǵy (azyq-túlik jáne azyq-túlik emes) bazarlardyń jumysy tek jeksenbi kúnderi ǵana toqtatylady.
Sýpermarketter men gıpermarketterdiń jumys kestesi: tańǵy 7.00-den 24.00-ge deıin. Barlyq kelýshiler úshin termometrııa, maska rejımin jáne áleýmettik qashyqtyqty saqtaý qajet.
Qoǵamdyq tamaqtaný nysandaryna saǵat 9.00-den 20.00-ge deıin jumys isteýge ruqsat etiledi. Azyq-túlikti jetkizý jáne alyp ketýge ýaqyt shekteýi qoıylmaıdy.
Meıramhanalar men dámhanalarda banketter, toılar, eske alý jáne basqa da ujymdyq jáne estelik is-sharalarǵa tyıym salynady.
ıÝrıı Zalygın mektepterde oqytý aralas formatta bolyp qala beretinin málim etti. Dástúrli túrde mektepaldy synyptardyń oqýshylary, 1-den 5-ke deıin, halyqaralyq mektepterde-1-den 7-ge deıin, synyptardaǵy balalar sany 25 adamnan aspaýy tıis. 6,7,8,10 synyp oqýshylaryn oqytý qashyqtyqtan oqytý formatyna aýystyrylady.
Qurama túrde bitirýshi synyp oqýshylary oqıdy (9, 11 (12): 70% pánder shtattyq rejımde, 30% - qashyqtyqtan, jıyntyqtaý kezinde synypta 15 adamnan aspaýy tıis, «1 - synyp -
– 1- kabınet» qaǵıdaty boıynsha sanıtarııalyq-dezınfektsııalyq jáne betperde rejımderin saqtaı otyryp oqytylady.
Balabaqshalarda sany 15 adamnan aspaıtyn kezekshi toptar ǵana jumys isteıdi.
Memlekettik uıymdar men jeke kásiporyndar óndiristik qajettilikke baılanysty qyzmetkerlerdiń keminde 80%-yn qashyqtyqtan jumys formatyna kóshirgeni jón.
Oblystyń bas memlekettik sanıtarlyq dárigeri turǵyndardy 13 sáýir men 12 mamyr aralyǵynda ótetin qasıetti Ramazan aıynda sanıtarlyq-karantındik talaptardy saqtaýǵa shaqyrdy.
«Kez kelgen buqaralyq is-sharalar – bul eń aldymen maska rejımin, áleýmettik qashyqtyqty saqtamaýy múmkin kóptegen adamdardyń tyǵyz baılanysy. Aýrý belgileri bolmaǵan kezde asımptomatıkalyq nemese bastapqy kezeńde naýqastarmen baılanys bolýy múmkin. Bul siz jáne sizdiń jaqyndaryńyz úshin úlken qaýip», - dep atap ótti ıÝrıı Zalygın.
