Qaraǵandy murajaıynda ǵarysh jaıly jádigerler bar
7 sáýirden bastap aıdyń sońyna deıin «Ǵarysh. Ǵaryshkerler. Qaraǵandy – ǵarysh aılaǵy» kórmesi ótedi. Atalǵan murajaı qorynda ǵarysh salasynyń damýyna qatysty kóptegen materıaldar saqtalǵan. Olardyń qatarynda ǵaryshkerler men ǵarysh ekıpajdarynyń jerge qonǵandaǵy fotosýretteri, reseılik ǵaryshkerler Qaraǵandy murajaıyna syıǵa bergen fılatelııa, nýmızmatıka, falerıstıka toptamalary, tipti ǵaryshtyq azyqtar saqtalǵan tıýbıkter bar.
Kóptegen eksponattar qorǵa «Murajaıǵa syılyq» aktsııasynyń aıasynda jınalǵan. Bul sharaǵa 2019 jyly «Plastıka jáne qozǵalys» stýdııasynyń tárbıelenýshileri belsene qatysqan. Olar mereıtoılyq monetalardy, markalardy, poshta konvertteri men ǵarysh taqyrybyndaǵy belgishelerdi tapsyrdy.
«Qaraǵandylyqtardyń aǵa býyny da bul sharadan beıjaı qalǵan joq. Bizdiń qalamyzdyń turǵyny Vıktor Lavetskıı uzaq jyldar boıy Jezqazǵanda jumys istep, Qaraǵandy oblysynyń aýmaǵyna qonǵan ǵaryshkerlermen birneshe ret kezdesken. Ol bizdiń murajaıǵa ǵaryshkerler men olardyń ushý kúnderi beınelengen shaǵyn plakattar, osy taqyryptaǵy kitaptar, ǵarysh apparattarynyń qoný ornynan fotomaterıaldar jáne ǵaryshkerlerdiń qoltańbalary bar konvertter syılady. Onyń ishinde biregeı jáne qundy eksponat – ıÝrıı Gagarınniń ushýǵa deıin jáne odan keıingi sózi bar ıilgish plastınkadaǵy jazba», – deıdi qor bóliminiń aǵa ǵylymı qyzmetkeri Dınara Sákimbaı.
Sonymen qatar, murajaıda ǵaryshtyq orbıtada bolǵan Qaraǵandy qalasynyń eltańbasy bar mata saqtaýly. Ony ǵaryshqa «Soıýz TMA-12M» ekıpajy alyp ketken. 2014 jyly basqarylatyn kemeniń apparaty Jezqazǵan aýdanyna aman-esen qondy. Qaraǵandynyń 80 jyldyǵyna arnalǵan ǵaryshkerlerdiń qoltańbasy bar mata murajaıǵa syıǵa tartyldy.
«Qoný alańy belgisiz» teatr qoıylymyna arnaıy tigilgen ǵaryshkerlerdiń kostıýmderi de bar.
Kórmege kelýshiler ózderin qyzyqtyrǵan «ǵaryshtyq» zattardy qolymen ustap, olarmen estelik sýretke túse alady.
«Eksponattar sherýi» jobasy oblystyq tarıhı-ólketaný murajaıynyń 90 jyldyǵyna arnalǵan. Jyl boıy munda aı saıyn murajaı qoımalarynan taqyryptyq kórmeler ótedi.
